Бизга кино шунчалик ёқадики, уни томоша қилганимиздан кейин бир неча кун ҳайратда қолгандек юрамиз. Аммо фильмдаги дунё қанчалик мафтункор бўлмасин, баъзан сценарий муаллифларининг қўпол хатоларини сезмасликнинг иложи йўқ.
Қаҳрамон тўсатдан қандайдир маҳоратга эга бўлади
“Уэнздей” сериалининг бош қаҳрамони ижтимоий тармоқлардан фойдаланмаслигини, дугонасига шаҳар телефонидан қўнғироқ қилишини ва ҳатто ёзув машинкасида ёзишини айтади. Аммо биринчи мавсум охирида қиз совға сифатида уяли телефон олади ва ундан бемалол фойдаланади.
Майли, дейлик, у замонавий телефонлардан фойдаланишни билади, шунчаки уларни ёқтирмайди. Аммо шунга қарамай, аввалига техникани ўрганиш керак. Уэнздей эса телефондаги хабарларни ҳар куни гаджетдан фойдаланадигандек кўздан кечиради.
Ҳаво вентиляцияси ҳар доим тоза бўлади
Триллер ва жанговар фильмлар қаҳрамонлари кўпинча ҳаво вентиляциясидан ўтишлари керак. Кўпинча бу бўшлиқлар жуда тор бўлади, персонажлар уларга зўрға сиғади. “Жуда ғалати ишлар”да болалар вентиляцияга қулай жойлашади, лекин улар улкан парракни ўчиришлари керак. Бу ҳолат анча реал кўриниши мумкин, шунга қарамай, кино ижодкорлари баъзи деталларни ҳисобга олишмайди: вентиляциянинг девор ва поллари суратга олишдан олдин атайин ювилгандек топ-тоза бўлади.
Антагонист, албатта, қутулиб бўлмайдиган қамоқхонадан қочади
Буни “Қўзилар сукунати”да ҳам, “Кунг-фу панда”да ҳам кўргансиз — ёвуз одам қўли ва оёғи занжирбанд ҳолда қамоқхонада ўтиради, лекин охир-оқибат у қочиб кетади. “Уэнздей”да ҳам антагонистнинг тақдири худди шундай бўлади — на занжирлар, на транквилизаторлар ёвуз одамни ушлаб туролмади.
Жангари фильм қаҳрамонлари бежирим соч турмаги ва макияжда юришади
Бош қаҳрамонларнинг соч турмаги ва макияжи, нима бўлишидан қатъи назар, ажойиб кўринади. Наташа Романофф ҳам югуради, терлайди, йиқилади, ифлос полга думалайди, лекин соч турмаги ва пардози бузилмайди.
Maxфий агент ва жосус аёллар доим пошнали туфлида юради
Жангчи қизларнинг ёйилган сочлари ҳам майли, аммо либослар бўйича дизайнерлар қаҳрамонларни пошнада кўришни яхши кўрадилар, шекилли, бунга мисол “Чарли фаришталари” фильми.
Саёҳатчилар янги кийимларни қаердан олишаркан?
“Саргардонлар” драмаси мураккаб сужет ва персонажлари билан яхши таниш. Аммо томошабинлар бир нарсадан ҳайрон бўлишади: қаҳрамон бундай чиройли кийимларни қаердан олади? Унинг қўлида фақат елпиғич бор, хизматкори эса фақат жанговар қамчи олиб юради. Бироқ деярли ҳар бир серияда персонажнинг кийими ўзгаради. Уни экрандан ташқарида кийим-кечакка тўла замбил кўтарган хизматкорлар кузатиб боришса керак.
Қаҳрамонлар тишларини тиш пастасисиз ювади
“Қаттиққўл хоним” фильми Энн Хетеуэйнинг янги кунга тайёрланиши билан бошланади. У тишларини қандай ювишини суратда кўриш мумкин. Кўпик қани? Афтидан, киноижодкорлар кундалик одатни хунук деб ҳисоблашади, шунинг учун фильмларда кўпикни кўрмаймиз.
Изоҳ (0)