Сурхондарёда хусусий корхона ходими ноқонуний равишда ўзига қўшимча 225,5 млн сўм ойлик ёзгани аниқланди

Сурхондарёда иш ҳақи, обуна ва коммунал тўловларига тегишли маблағларни ўзлаштирган шахслар аниқланди.

Бош прокуратура ҳузуридаги департаментнинг Термиз шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда “Т.н.” МЧЖнинг банк ишларини юритувчи Ф.Э. иш ҳақи ва унга тенглаштирилган маблағлардан ташқари, электрон дастурга ўзига қўшимча иш ҳақи сифатида маълумотлар киритиб, МЧЖнинг жами 225,5 миллион сўмини пластик картасига ўтказиб олиб, тадбиркорнинг мулкини ўзлаштириш йўли билан талон-торож қилгани аниқланган.

Шу каби, департаментнинг Тўрақўрғон туман бўлими томонидан ўтказилган терговга қадар текширувда туман почта алоқа боғламаси собиқ кассири Ш.Ш. ўзига ишониб топширилган обуна ва коммунал тўловларидан тушган 93,1 миллион сўм нақд пулларни банк кассасига кирим қилмасдан, ўзлаштириш йўли билан талон-торож қилгани аниқланган.

Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.