Бернарду, Гундўған, Уокер, Ляпорт ва Канселу ёзда “Манчестер Сити”ни тарк этиши мумкин. Футболчилар Пеп Гвардиоладан норози

“Манчестер Сити” бош мураббийи Пеп Гвардиоладан норози бўлган жамоанинг бир неча футболчиси ёзда клубни тарк этмоқчи. 

Гап Илкай Гундўған, Кайл Уокер, Жоау Канселу, Бернарду Сильва ва Эмерик Ляпорт ҳақида кетмоқда. Бу ҳақида журналист Хосе Альварес Гайя маълум қилди.

“‘Манчестер Сити’да кенг кўламли хайрлашув келишувлари тайёрланмоқда. Кийим алмаштириш хонасида носоғлом муҳит мавжуд. Яқинда Гвардиола шартномасини яна икки мавсумга узайтирди ва бу жамоадаги ундан норози бўлган бир неча футболчиларга ёқмади. Улар муҳим футболчилар.

Гап ёзда жамоани тарк этмоқчи бўлган Жоау Канселу ҳақида кетмоқда. Кайл Уокер ҳам кетиш истагида. Гундўғам, Бернарду Сильва ҳамда Ляпорт каби футболчилар ёзда янги жамоа топмоқчи. ”

Канселу ва Уокернинг Гвардиола билан муносабати яхши эмас, бу эса эътибор бериладиган жиҳат. Илкайнинг ъшаҳарликларъ билан шартномаси якунига етмоқда. У икки йилдан буён шартномани узайтиришга ҳаракат қилмоқда, лекин яқинда унинг агенти ҳисобланган қариндоши ‘Барселона’ билан музокараларни бошлади. Музокараларда силжиш бор. 

Манчестер клуби Сильвага янги битим таклиф қилмоқда, бироқ португалиялик футболчи буни рад этиб келмоқда. Чунки у ёзда клубни тарк этмоқчи. Ляпорт ҳам шунга ўхшаш вазиятга дуч келган. У ҳам ёзда кетиш ҳақида ўйламоқда. Балки, у Ла Лига клубига ўтар. ‘Манчестер Сити’даги вазият мана шунақа”, — дейди Гайя. 

“Манчестер Сити” ҳозирда АПЛ жадвалида 2-ўринда бормоқда. “Шаҳарликлар” мусобақа етакчиси “Арсенал”дан 5 очко ортда.