Бир неча миллионлаб долларлик бойликнинг меросхўри ва Голливуднинг энг кўп танқидларга учраган юлдузларидан бири бўлган Перис Ҳилтон узоқ вақт давомида оила қуришга журъат эта олмаган, деб ёзади Wday.
Перис йигитларини қўлқоп каби алмаштирди ва уларнинг ҳеч бири билан турмуш қуришгача бормади, токи унинг ҳаётида Картер Реум пайдо бўлмагунча. Картер бизнесмен, юқори сифатли парфюмерия сериясининг яратувчиси, тадбиркорликка оид китоблар муаллифи. Айтганча, у Перис билан тенгдош.
2020 йил бошида жуфтлик биринчи марта бирга кўриниш берди, 2021 йил февраль ойида улар унаштирилганини эълон қилди ва ўша йилнинг ноябрида турмуш қурди.
Никоҳдан олдин Перис ҳаётида биринчи марта фарзанд ҳақида ўйлаб кўрди. “Картер мен орзу қилган инсон, 100 фоиз худди шундай. Биз ҳар доим тўйни режалаштириш, болаларимизга исм қўйиш ва бошқа нарсалар ҳақида гаплашамиз. Шунинг учун мен кейинги босқичга ўтишдан ва ниҳоят ҳақиқий ҳаёт кечиришдан жуда хурсандман. Ҳозирда мен сунъий уруғлантириш жараёнидаман ва умид қиламанки, тез орада ҳомиладорлик ҳақида сизга хабар бераман”, — деган эди Перис.
Натижада юлдузнинг орзуси ушалди. Суррогат она ёрдамида уларнинг фарзанди дунёга келди. Ҳамма нарса қатъий равишда сир тутилди. Аммо чақалоқ аллақачон туғилиб, янги уйига келганида, Ҳилтон бу янгиликни дунё билан баҳам кўришга қарор қилди. У чақалоқнинг қўлидан тутган таъсирчан суратни ўз саҳифасга жойлаштирди.
Минглаб мухлислар ва яқинлари Перисни табриклаб, чақалоқ билан бирга унга ҳам соғлиқ тилади. Аммо юлдузнинг ўғли билан тушган илк суратига шубҳа билан қараганлар ҳам бўлди.
“Барча эътибор болага эмас, маникюрга — Перис ўзига содиқ”.
“У ҳатто фотошоп суратни ҳам жойлаштирди. Нега буни баҳам кўриш керак?”
“Умид қиламанки, мен адашяпман, лекин у яхши она бўлиши даргумон. У ўзига ҳаддан ташқари эътибор қаратган. Ҳамма умид отадан”.
Перис салбий изоҳларга эътибор бермайди. “Мен ҳар доим она бўлишни хоҳлаганман ва Картер билан бир-биримизни топганимиздан жуда хурсандман, — дейди People журналига. — Биз ҳаётнинг ушбу янги босқичини бошлаганимиздан жуда бахтиёрмиз ва юрагимиз кичкинтойимизга бўлган муҳаббат билан тўлиб тошган”.
Ҳилтон ҳозирча боланинг исмини ошкор қилмаган. Чақалоқнинг ўғил бола экани маълум. Аммо у яна кўпроқ фарзанд кўришни режалаштираётганини айтган — камида тўрт ёки бешта. Мухлислар учун унинг намунали кўп болали онага айланишини томоша қилиш қизиқарли бўлиши табиий. Агар, албатта, бу содир бўлса.
Мавзуга доир:
Изоҳ (0)