АҚШнинг Республикачилар томонидан бошқариладиган 20 та штати ҳукумати муҳожирларга ёрдам бериш дастурини тўхтатиб туриш талаби билан федерал судга мурожаат қилди. Бу ҳақда CBC хабар бермоқда.
Хабарга кўра, даъво Алабама, Аляска, Арканзас, Айдахо, Айова, Вайоминг, Ғарбий Виржиния, Канзас, Кентукки, Луизиана, Миссисипи, Миссури, Монтана, Небраска, Огайо, Теннесси, Флорида, Жанубий Каролина, Юта каби штатлар расмийлари томонидан берилган. Ташаббус Техас штатидан бўлган.
Бу штатлар АҚШ президенти Жо Байденнинг янги чораларига қарши. Шунингдек, штатлар ҳокимият органлари таъкидлашича, президент маъмурияти ушбу дастурни амалга оширишни бошлашдан олдин жамоатчилик фикрини ўрганиши керак.
Байден маъмуриятининг янги дастури доирасида ҳар ой Венесуэла, Гаити, Никарагуа ва Кубанинг 30 мингга яқин фуқаролари икки йил муддатга АҚШgа ишлаш ҳуқуқи билан кириши мумкин — бунинг учун АҚШда уларни таклиф қилиш ҳуқуқига эга шахслар бўлиши керак, шунингдек, муҳожирлар АҚШ ҳуқуқ-тартибот органлари текширувидан ўтиши лозим.
Шу билан бирга, АҚШ маъмурияти Ғарбий яримшар давлатларидан қочқинларни қабул қилиш учун 2023—2024-молиявий йилдаги квотани оширди. Энди Лотин Америкаси ва Кариб ҳавзасидан 20 минггача қочқин ушбу линия орқали доимий яшаш ҳуқуқи билан АҚШgа кўчиб ўтиш учун ариза топшириши мумкин бўлади.
Изоҳ (0)