Ўзбекистонда ички ишлар ишлар органларига айрим тақиқлар жорий этилмоқда

Ўзбекистонда ички ишлар ишлар органлари тизимини коррупциядан холи соҳага айлантиришга қаратилган вазифалар белгиланди.

2023 йил 20 январь куни президентининг “Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга ёъналтириш бўйича қўшимча чора-тадбирлар тўғрисида”ги қарори қабул қилинди.

Қарорга асосан, ички ишлар органларида кадрлар билан ишлаш тизимини янада такомиллаштириш мақсадида:

• ички ишлар органларида хизматга қабул қилиш бўйича номзодларни танлашнинг адолатли, холис ва шаффоф тизимини яратиб, ўрнатилган тартибларни тубдан соддалаштириш ва бюрократик тўсиқларни бартараф этишга қаратилган комплекс чора-тадбирларни белгилаш;
• инсон омилини истисно этиш ҳамда коррупция ҳолатларининг барвақт олдини олиш мақсадида ички ишлар органларида кадрлар билан ишлаш, хизматни ўташ қоидаларига риоя этилишини таъминлаш, шунингдек, шахсий таркиб ва уларнинг оила аъзоларини ижтимоий ҳимоя қилиш тизимини замон талабларига мос равишда тўлиқ рақамлаштириш каби вазифалар ушбу соҳадаги устувор ёъналишлар этиб белгиланди.

Қарор билан Ички ишлар органлари ходимларининг касбий маданият ва хизмат интизоми кодекси тасдиқланди.

Ушбу кодексга ички ишлар органлари тизимида коррупция, тамагирлик, манфаатлар тўқнашувини олдини олиш, фаолиятнинг очиқлиги ва шаффофлигини таъминлашга қаратилган муҳим қоидалар киритилган. Ички ишлар органларининг ҳар бир ходими кодексда белгиланган қоида ва талабларни билиши, уларга қатъий ва сўзсиз амал қилиши мажбурий ҳисобланади. Кодекс ходим фаолияти самарадорлиги ва интизомини баҳолашнинг асосий мезони бўлади.

Кодексда ички ишлар органлари ходимларига бир қатор тақиқлар қўйилмоқда. Хусусан ходимларга:

• хизмат мажбуриятларини бажариш ва хизмат вақтида ёҳуд хизмат кийимида спиртли ичимликлар истеъмол қилиш;
• мансаб ваколатларини сиёсий партиялар, жамоат бирлашмалари ва уларнинг органлари манфаатлари ёълида амалга ошириш;
• тадбиркорлик фаолияти субъекти сифатида ёки унинг номидан бу соҳада қонунчилик ҳужжатларига мувофиқ амалга ошириладиган, ўзи таваккал қилиб ва мулкий жавобгарлиги остида даромад олишга қаратилган фаолият билан шуғулланиш;
• тадбиркорлик фаолияти субъектларини ташкил этишга, уларнинг муассиси бўлишга, тадбиркорлик фаолияти субъектида ташкилий-бошқарув, маъмурий-хўжалик вазифаларини бажариш (бундан АЖларининг эркин муомалада бўлган акцияларига эгалик қилиш мустасно);
• хизмат ваколатларини жисмоний ва юридик шахслар манфаатларини кўзлаб бажариш ёки бажармаслик эвазига улардан ҳар қандай совғалар ҳамда ҳар қандай кўринишдаги моддий бойликларни олиш ёҳуд уларнинг хизматларидан фойдаланиш;
• хизмат фаолияти билан боғлиқ маълумотларни оила аъзолари, таниш-билишлари ёки хизматга алоқадор бўлмаган бошқа шахслар билан муҳокама қилиш тақиқланади.

Бундан ташқари, ходимлар фуқароларга нисбатан қўполлик қилмаслиги, уларнинг шаъни ва қадр-қимматини камситиш, асоссиз руҳий ва жисмоний таъсир ўтказиш ҳолатларига ёъл қўймаслиги лозим.

Улар кодексдаги қоидалар ва талабларга амал қилмаса ёки уларни қўпол равишда бузса, ички ишлар органларидан хизматдан бўшатишгача бўлган интизомий жазога тортилиши белгилаб қўйилган.

Мавзуга доир: Ўзбекистонда ички ишлар органлари устидан жамоатчилик назорати ўрнатилади