Бугун,

  • USD 11095.31
  • RUB 173.84
  • EUR 10772.44

Бразилия ва Аргентина келаси ҳафтада умумий валюта яратиш бўйича иш бошланганини эълон қилади. Бу ҳақда Finansial Times хабар берди.

Фото:Reuters

Фото:Reuters

Нашрнинг ёзишича, Бразилия сур (жанубий) деб номлашни таклиф қилаётган янги валюта минтақавий савдони қандай рағбатлантириб, долларга қарамликни камайтиришига эътибор қаратилмоқда.

Аргентина иқтисодиёт вазири Серхио Массага кўра, ягона валюта учун зарур бўлган параметрларни ўрганишни бошлаш тўғрисида қарор қабул қилинади. Кейинчалик Лотин Америкасининг бошқа давлатлари ҳам лойиҳага қўшилишга таклиф қилинади.

Бразилияда асосий валюта реал, Аргентинада эса песо.

FT ҳисоб-китобларига кўра, бутун Лотин Америкасини қамраб олган валюта иттифоқи глобал ялпи ички маҳсулотнинг тахминан 5 фоизини ташкил қилади.

Дунёнинг энг йирик валюта иттифоқи Евроҳудудда доллар ҳисобида жаҳон ялпи ички маҳсулотининг тахминан 14 фоизини ташкил қилади. Бироқ уни яратиш учун Европага 35 йил керак бўлган.

Бразилия ва Аргентина сўнгги бир неча йил давомида умумий валюта яратиш масаласини муҳокама қилган. Бироқ Бразилия Марказий банкининг қаршилиги туфайли музокаралар муваффақияцизликка учраган.

Бразилия ва Аргентина ўртасидаги товар айирбошлаш ҳажми ўтган йилнинг биринчи 11 ойида 26,4 миллиард долларга етди. Бу 2021 йилнинг шу даврига нисбатан қарийб 21 фоизга кўп.

Ҳар икки давлат Mercosur (Жанубий Америка мамлакатлари умумий бозори: Аргентина, Бразилия, Уругвай, Парагвай ва Венесуэла) нинг ҳаракатлантирувчи кучи ҳисобланади.

FT маълумотларига кўра, янги валютанинг жозибадорлиги йиллик инфляция 100 фоизга яқинлашаётган ва Марказий банк харажатларни молиялаштириш учун пул чоп этаётган Аргентинада яққол намоён бўлади.

Режага кўра, бу миллий пул бирликларини истисно қиладиган эмас, балки икки томонлама савдо операциялари учун яратилган валюта бўлиши керак. Ўтган йилнинг декабрь ойи охирида бу муҳокамалар қайта бошланган.

Изоҳ
Асосий янгиликлар
Маҳаллий
“Андижонда 127 минг нафар ишсиз фуқаро мавжуд. Ҳар йили яна 50 минг нафар ёшлар меҳнат бозорига кириб келади” — президент 
Маҳаллий
Ўзбекистонда 2 февралдан метан заправкалар фаолияти тикланади
Маҳаллий
Жиззах, Самарқанд, Фарғонада электр тармоғига ноқонуний уланиб, қарийб 250 млн сўм зарар етказган тадбиркорлар ушланди