Кўпгина аёллар тирноқларни парвариш қилишни профессионалларга ишонишни афзал кўради. Аммо салонга ташриф буюриш учун бир нечта оддий қоидаларга эътибор қаратиш лозим. AdMe нашри мукаммал тирноқларга эга бўлиш, хушмуомалалик ва ёқимли таассурот қолдириш учун маникюр мутахассиси билан мулоқотда нималарга эътибор беришни маълум қилди.
Вақтидан олдин ташриф буюриш
Кечикиш, албатта, ҳеч кимга ёқмайди: кейинроқ келган битта мижоз туфайли бутун жадвал ўзгартирилади. Аммо жуда эрта келган мижозлар ҳам мутахассисни бир пиёла қаҳва ичишга, тушликни тугатишга ёки шунчаки бироз дам олишга имкон бермайди. Албатта, бундай масалада белгиланган вақтда келиш яхшироқдир.
Агар сизга дизайн ёқмаса, дарҳол айтинг
Масалан, қизил лакни танладингиз, салон ходими уни битта тирноққа қўллади ва бирдан буни тушундингиз: у сизга мос эмас, кайфият ўзгарди. Бундай вақтда фикрингиз ўзгарганини айтишдан қўрқманг: энг яхшиси, жараён бошланганидаёқ уни тўхтатиш.
Қўлларни қимирлатиш ёки таранглатиш орқали ёрдам беришга уринманг
Баъзи мижозлар қўлларини буриш, олдинга чўзиш ёки бошқа ҳаракатлар қилиш орқали ўзлари ёрдам беришга ҳаракат қилади. Аммо қўлни бўшатиб, жим ўтирилса, бу мутахассисга қулайроқ бўлади.
Смартфондан фойдаланманг
Албатта, агар шошилинч қўнғироқ бўлса, буни тушуниш мумкин. Аммо тўхтовсиз суҳбатлашиш, ижтимоий тармоқда ўтириш ёки ўйин ўйнаш одобсизликнинг кўриниши холос. Биринчидан, маникюр яхши чиқмаслиги мумкин, чунки бу бевосита мутахассисни чалғитади.
Салонга ташриф буюришдан олдин тирноқларни олманг
Маникюр устаси ҳар қандай узунликдаги тирноқларга ўзи ишлов беради. Аммо олинган тирноқлар билан ишлаш анча қийин бўлади. Шунинг учун тирноқлар ҳаддан ташқари ўсиб кетганидан хавотирланмаслик керак.
Аммо уйда тирноқларга ғамхўрлик қилишни ҳеч ким тақиқламайди
Салонга ташрифлар оралиғида тирноқларни тозалаш ёки юмшатишнинг ҳеч қандай ёмон жойи йўқ. Бироқ маникюрдан олдин тасодифан нозик терига зарар етиши мумкин ва хавфсизлик нуқтаи назаридан махсус ускуналар билан маникюр қилмаслик керак.
Салонга ташриф буюришдан олдин тахминан дизайн ва ранг ҳақида қарор қабул қилинг
Янги маникюр қандай кўринишини тасаввур қилиб, сўнгра салонга бориш яхшироқдир. Ходимнинг арсеналида танлаш учун юз хил ранг бор, шунингдек, декоратив безаклар. Агар танлашни салонда бошласангиз, кўп вақт сарфлашингиз мумкин.
Мутахассисга тайёр суратни кўрсатиш мумкин
Албатта, ҳар бир уста ўз техникасидан фойдаланади ва, эҳтимол, дизайнни аниқ такрорлай олмайди. Лекин сизга ёққан ранг комбинацияси ёки нақшли сурат тирноқларда нимани кўришни хоҳлаётганингизни аниқ кўрсатиб беради. Шунинг учун имкон қадар ёқадиган дизайн суратини тақдим этиш тавсия этилади.
Иложи бўлса, болаларни ўзингиз билан олиб келманг
Биринчидан, боланинг хавфсизлиги учун: болалар лак буғлари ва чангни нафас олишлари шарт эмас. Иккинчидан, болалар жуда қизиқувчан: улар столдан хоҳлаган нарсани, шу жумладан ўткир ускуналарни олиши ёки шунчаки устани ишдан чалғитиши мумкин.
Изоҳ (0)