XXI асрда миллий лигаларда энг кўп гол урган футболчилар рейтинги эълон қилинди. 2 нафар ўзбекистонлик футболчи ҳам рўйхатдан жой олган

Футбол тарихи ва статистикаси Халқаро Федерацияси (IFFHS) XXI асрда миллий чемпионатларда энг кўп гол киритган футболчилар рўйхатини эълон қилди.

Португалиялик ҳужумчи Криштиану Роналду 498 та гол билан биринчи ўринни эгаллаб турибди. Лионель Месси 487 та гол билан иккинчи поғонани банд этган. «Милан» ва Швеция терма жамоаси ҳужумчиси Златан Ибраҳимович 392 та гол билан кучли учликни якунлаб берган.

Рўйхатдан ўзбекистонлик футболчилар ҳам ўрин олган. Анвар Бердиев 225 та гол билан (ХХ асрда 61, XXI асрда 164) 96-ўринни ва Зафар Холмуродов 200 та голи билан (49, 151) 107-ўринларни эгаллаган.

Статистикани тузишда ХХ асрдаги голлар ҳам кўрсатиб ўтилган, лекин футболчилар эгаллаган ўринлар фақатгина XXI асрда урилган голлар сони бўйича тақсимланган.