Ушбу рўйхатдаги бирор одат сизда мавжудми? Агар йўқ бўлса, уларни амалга ошириш тавсия этилади. Кундалик ҳаётда кўп нарса ўз-ўзидан ўзгаришига ҳайрон қолишингиз мумкин, деб ёзади «Новий очаг».
Тўғри овқатланишни ўрганинг
Вазнни меъёрда сақлашга ва ортиқча овқатланмасликка ёрдам берадиган бир нечта умумий қоидалар мавжуд:
- Ҳар доим дастурхонда овқатланинг. Телевизор ёки компьютер олдида газак истеъмол қилмасликка ҳаракат қилинг.
- Яхши кайфиятда таом тайёрланг ва овқатланинг. Агар кайфият яхши бўлмаса, ортиқча истеъмол қилиш истаги пайдо бўлиши мумкин.
- Иложи бўлса, овқатланишдан кейин ҳам вақт ажратинг. Овқатнинг таъмини ҳис этинг.
- Овқатдан ярим соат олдин бир стакан сув ичинг.
- Овқатланишнинг охирида ширинлик истеъмол қилинг.
- Кўп вазифани бир вақтда бажаришдан воз кечинг! Телевизор ва компьютер ўчирилган ҳолда овқатланинг.
Тадқиқотлар шуни кўрсатдики, цитрус таркибидаги эфир мойлари аслида тетикликни оширади, кайфиятни яхшилайди ва ташвишланишни камайтиради. Вена тиббиёт университети олимлари қизиқарли тажриба ўтказди. Улар 18 ёшдан 77 ёшгача бўлган 200 нафар касални стоматология клиникасида тўрт гуруҳга бўлди.
Биринчи ва иккинчи гуруҳларда тиш шифокорида навбатда турган иштирокчиларга апельсин ва лаванда ҳидлатилди. Учинчи гуруҳ эса эфир мойларини нафас олишдан ташқари, ёқимли мусиқа тинглади. Тўртинчи назорат гуруҳи шунчаки стоматологик муолажаларни кутди — мусиқа ва ароматерапиясиз.
Статистик таҳлил шуни кўрсатдики, апельсин ва лаванда хушбўйлигини нафас олган беморлар камроқ стрессга дуч келган. Уларнинг ташвиш даражаси пасайган, кайфиятлари эса, аксинча, яхшиланган.
Лавандадан фойдаланинг
Ётишдан олдин ёстиққа бир неча томчи лаванда эфир мойини қўллаш тавсия этилади. Ушбу ароматерапия тезроқ ва сифатли ухлашга ёрдам беради.
20/20/20 қоидасига кўра кўзларга ғамхўрлик қилинг
Компьютерда ишлаш ва смартфон ёки планшетдан тез-тез фойдаланиш кўриш қобилиятига салбий таъсир кўрсатиши мумкин. Вазият ёмонлашмаслиги учун 20/20/20 қоидасига амал қилиш лозим. Ҳар 20 дақиқада 20 дақиқалик танаффус қилиш ва кейин 20 дақиқа давомида олти метр узоқликдаги объектни томоша қилиш тавсия этилади.
Медитация қилиш учун 10 дақиқа ажратинг
Кундалик ҳаётнинг шовқин-сурони ичидан ўзингиз учун вақт топиш қийин. Аммо ҳатто ўн дақиқалик медитация ва дам олиш натижасида асаб тизими рағбат олади.
Лотос ҳолатида ўтиринг, дам олинг ва кўзингизни юминг. Секин нафас олинг ва чиқаринг. Ҳар бир нафас чиқариш билан ўтган куннинг барча муаммолари ва ташвишлари сизни тарк этишини ҳис этинг. Ушбу машқни мунтазам равишда бажаринг, дам олиш техникасини яхшиланг.
Бир бекат олдин тушиб қолинг
Ишга метро ёки автобусда борадиган бўлсангиз, бир бекат эртароқ тушишни одат қилинг. Иш кунидан олдин сайр қилиш уйқучанликни енгишга ва мияни тозалашга ёрдам беради.
Гиёҳли чойлар ичинг
Фитодорихоналарнинг ассортиментида деярли ҳар қандай вазият учун гиёҳли чойлари мавжуд. Кўк чой (қаҳвага яхши муқобил) уйғонишга, мойчечак тез ухлаб қолишингизга ёрдам беради, арпабодиён ва ялпиз овқат ҳазм қилиш муаммоларини ҳал қилади.
Ишдан ташқари вақтларда гаджетлардан фойдаланманг
Бу офисдан чиққандан сўнг дарҳол смартфонни ўчириб қўйиш керак, дегани эмас. Лекин уни ҳеч бўлмаганда ётишдан олдин ишлатмасликка ҳаракат қилиш лозим. Худди шу нарса ноутбук ва планшетлар учун ҳам амал қилади. Гаджетлар чиқарадиган кўк нур кўзга зарар етказади ва уйқу ҳамда уйғониш даврларини тартибга солувчи сиркадик ритмларни беқарорлаштиради.
Ухлашга эртароқ ётинг
Стресс билан боғлиқ кўплаб касалликлар уйқусизликдан келиб чиқади. Бир соат эртароқ ухлашга ҳаракат қилинг ва тез орада фарқни сезиш мумкин.
Зинадан юқорига чиқинг
Лифтдан фойдаланишни тўхтатинг, айниқса, спорт билан шуғулланиш учун вақт бўлмаса. Энг оддий, лекин жуда самарали машқ зинапояга кўтарилишдир.
Овқатларни олдиндан тайёрланг
Иш кунларида овқат пишириш учун вақт топиш қийин. Аммо ярим тайёр маҳсулотлар ва фастфуд ҳам яхши вариант эмас. Дам олиш кунларида иш ҳафтасида тайёргарлик вақтини қисқартиришга ёрдам берадиган асосий маҳсулотлар захирасини тайёрлаш учун бир неча соат вақт ажратинг.
Ўзингиз билан сув олиб юринг
Қайта фойдаланиш мумкин бўлган ичимлик суви шишасини сотиб олинг ва уни ҳар доим ўзингиз билан олиб юринг. Бу инсоннинг асосий муаммоларидан бирини — сувни етарли даражада истеъмол қилмасликни ҳал қилишга ёрдам беради.
Смузи истеъмол қилинг
Мева ва сабзавотлар рационнинг учдан икки қисмини ташкил қилиши керак. Агар улардан тўйиб-тўйиб истеъмол қилмасангиз, уларни соғлом ичимликка айлантириш ҳақида ўйлаб кўринг. Турли хил маҳсулотлар комбинациясини синаб кўриш тавсия этилади.
Изоҳ (0)