«Новий очаг» нашри фойдалангандан сўнг қўл ювиш тавсия этиладиган кундалик буюмларни санаб ўтди.
Мунтазам қўл ювиш инфекцияларнинг олдини олишнинг энг осон ва самарали усули ҳисобланади. Албатта, овқатланишдан олдин ва кўчадан қайтгандан кейин қўлни ювиш керак, лекин баъзида бу ҳам етарли эмас. Айниқса, ҳар куни дуч келадиган ва соғлиққа катта зарар етказадиган хавфли буюмлар мавжуд.
Пул
Банкнот ва тангалар хавфли инфекцияларнинг ҳақиқий ташувчилари ҳисобланади. Бактерия, вирус ва ҳатто уй ҳайвонлари инфекцияси том маънода ҳар бир пул бирлигида тўпланади ва буларнинг барчаси дўконга ҳар сафар ташриф буюргандан кейин қўлга тушади. Айни пайтда барчанинг ҳамёнида кичик юқумли касалликлар лабораторияси мавжуд. Демак, улардан ҳимояланиш учун қўл ювишни унутмаслик лозим.
Эшик тутқичлари
Кун давомида қанча одам метро ва автобуслардаги тутқичларга, эскалатор панжараларига тегишини тасаввур қила оласизми? Барча хавфли микроб ва бактериялар одамдан одамга тезлик билан тарқалади, кейин қўллар билан лаб ёки кўзларга тегилса, улар организмга кириб боради. Жамоат транспортидан фойдалангандан кейин қўлни ювиш ва ундан олдин юзга тегмасликка ҳаракат қилиш лозим.
Қаҳвахона ва ресторанлардаги меню
Умумий овқатланиш масканларидаги меню муқовалари ва саҳифаларида ҳожатхона ўриндиқларига қараганда хавфлироқ микроблар бор. Шунинг учун буюртма бергандан кейин қўл ювишни унутмаслик керак.
Ручкалар
Кўпинча бу жамоат жойларида, масалан, почта бўлими ёки банк филиалида содир бўлади. Эҳтимол, юзлаб одамлар бу ручкалардан фойдаланган ва уларда жуда кўп бактериялар қолган бўлиши мумкин. Бундай оммавий фойдаланишдан сўнг ўртача ҳисобда бошқа буюмларга қараганда 10 баробар кўпроқ бактериялар яшайди.
Смартфонлар
Биринчидан, ҳафтада камида бир марта смартфон экранини, шунингдек, лабларга яқин турадиган қисмларини дезинфекцияловчи салфеткалар билан артиб олиш тавсия этилади, бу телефонга жойлашган микроблар нафас олиш тизимига кирмаслиги учун. Иккинчидан, телефон экранига тегиб бўлгандан кейин қўлларни ювиш лозим.
Тахтакач ва губка
Нам муҳит бактерияларни етиштириш учун энг яхши жойдир. Ошхона латталари, идишларни ювиш учун губкалар ва тахтакач бактериялар колониясини ўстириш учун ҳақиқий қулай жойлардир. Шунинг учун уларни мунтазам равишда янгилаш ва уларни ишлатгандан кейин қўлни ювиш лозим.
Шифокор кабинетидаги ҳамма нарса
Шифокор кабинетидаги эшик тутқичлари, стол, стул суянчиқлари ва бошқа нарсалар саломатлик учун хавфлидир. Кун давомида кўп беморлар у ерга киради ва уларнинг деярли барчаси нимадир билан касалланган. Вирус, бактерия ва микроорганизмлар бу нарсаларда қолиши табиий. Шунинг учун шифокор ҳузуридан чиққандан кейин қўлларни яхшилаб ювиш керак.
Аэропортда
Ҳар куни юз минглаб одамлар аэропорт салонларидан ўтади ва уларнинг барчаси вирус ва инфекциялар қолдиради. Энг хавфли жойлар эшик тутқичлари, ўриндиқлар ва ҳоказо. Албатта, у ердан чиққач қўлларни дарҳол ювишни унутмаслик лозим.
Изоҳ (0)