Қатар яқин йилларда халқаро бозорларга, жумладан, Европага газ етказиб бериш ҳажмини оширишни режалаштирмоқда. Бу ҳақда мамлакат бош вазир ўринбосари, ташқи ишлар вазири Муҳаммад ибн Абдул Раҳмон Ол Тани Давосдаги Жаҳон иқтисодий форумининг йиллик йиғилишида маълум қилди.
«Биз Қатарда газ хавфсиз ва тоза энергия манбаи эканлигига ишонамиз. Бу эса яқин ўн йилликларда муҳим рол ўйнайди, энергетика балансида муҳим ўрин эгаллайди», — деди у.
Шунингдек, Ол Тани мамлакат келгуси йилларда бозорларга, айниқса, Европага кўпроқ газ жўнатишини таъкидлади.
Унга кўра, бугунги вазиятда энергия қашшоқлигининг олдини олиш учун саноатга сармоя киритиш зарур.
Ҳозирда Қатардаги North Field Шарқий газ кони кенгайтирилмоқда.
Ушбу лойиҳа Қатар ҳукуматига 2027 йилга бориб суюлтирилган газ экспорт қувватини йилига 77 миллион тоннадан 126 миллион тоннагача ошириш имконини беради.
Халқаро газ иттифоқи ҳисоб-китобларига кўра, North Field East лойиҳаси доирасини хом ашё экспорт қилиш учун 150 га яқин танкер керак бўлади.
Мавзуга доир: Суюлтирилган газ қироли: Қатар LNG етказиб бериш бўйича тарихий келишувларга эришди
Изоҳ (0)