Замонавий меъморчилик — алоҳида санъат туридир. Кимгадир қайта тикланган шиша-бетон бинолар ёқади, кимдир шаҳарларнинг тарихий кўринишини бузмоқда деб ҳисоблайди, бошқалар эса бундай ноодатий иншоотларга кўникиш кераклигига амин, чунки вақт ўтиши билан улар ҳам классикага айланади.
Мумбайдаги Cyberegg биноси
Jeyms Law Cybertecture International дизайн студияси ходимлари ўз ижод намуналарини ултра замонавий тухум-бино сифатида тавсифлайдилар. Лойиҳа Мумбайда (Ҳиндистон) амалга оширилиши режалаштирилган. Қурилиш кенг кўламли бўлади, чунки тухум шаклидаги структуранинг майдони 32 000 квадрат метрни ташкил қилади. Бино периметри бўйлаб қуёш батареялари ва шамол тегирмонлари ўрнатилади, шунда кўп қаватли ноодатий бино ўз-ўзини электр энергияси билан таъминлайди.
Архитекторларнинг сўзларига кўра, бинога ташриф буюрувчиларга бино экотизимлари билан ўзаро муносабатда бўлиш имконини берувчи компьютер технологиялари ўрнатилади. Хусусан, унга «Cybertecture соғлиқни сақлаш тизими» жорий этилади, унинг ёрдамида одамлар ўз соғлиғи ҳақидаги маълумотларни назорат қилиш, солиштириш ва хулоса қилиш имкониятига эга бўлади. Мисол учун, «кибер тухум» ичига кирган ҳар қандай одам қон босимини ўлчаши мумкин.
Бундан ташқари, иссиқхона эффектининг олдини олиш учун бинода боғ барпо қилинади, улар фильтрланган сув билан суғорилади. Ҳиндистонда бундай офис биносига қанча эҳтиёж борлиги ҳозирча аниқ эмас. Аммо бунинг учун аллақачон маблағ ажратилган. Бир неча йил ичида Мумбайда қадимий бинолар орасида ва харобалар фонида шиша «кибер тухум» қад ростлайди.
Чанчжоудаги Lotus (нилуфаргул) шаклидаги бино
Мазкур бино Хитойнинг Чангзҳоу шаҳрини безаб туради. Lotus биноси сайёҳлар ташриф буюрадиган ва маҳаллий аҳоли фахрланадиган асосий диққатга сазовор жойлардан биридир. Бино ҳақиқатан ҳам жуда фотогеник. Жойлашуви ўзининг ташқи кўриниши ва номига романтизм қўшади – бино 3,5 гектар боғ билан ўралган сунъий кўлнинг марказида жойлашган. Lotus ичида асосан офис майдони ва бизнес учун йиғилиш хоналари мавжуд. Оддий ташриф буюрувчилар учун бепул музей вазифасини бажаради.
Бундай ноодатий конструкцияни Австралиянинг Studio 505 бюроси мутахассислари яратишган. Ўз лойиҳасининг мустаҳкамлигини таъкидлаб, бино 2,5 минг геотермал қозиқ билан таъминлангани, шу боис у қулаб тушмаслиги ва узоқ йиллар давомида туришини айтишди.
Каунасдаги банкнот кўринишидаги иншоот
Каунас — Литвадаги шаҳар бўлиб, у ҳақида кўпчилик 2008 йилда банкнот-бино қурилганидан кейин билади. Унинг очилиши мамлакат учун муҳим воқеа – Европа Иттифоқига қўшилиш билан бир вақтга тўғри келади. Бинонинг ташқи кўриниши унинг мақсадини оқлайди — унда бир вақтнинг ўзида иккита йирик Литва банки жойлашган.
Номинал қиймати 1000 лит бўлган 1926 йил банкнотининг дизайни 4000 дона шиша панелларда акс эттирилган, усти махсус эмал бўёқ билан қопланган. Ғоя ва уни амалга ошириш учун масъул меъмор — Rimas Adomaitis ва унинг жамоаси RA Studio. Эътиборлиси, банкнот-бино шаҳар марказида эмас. Каунаснинг эски бинолари билан контраст яратмаслик учун уни атайлаб четроққа қуришган.
Ҳуайнандаги пианино-бино
Яна бир ажойиб бино Хитойда жойлашган. Пианино ёнида шаффоф виолончел кўринишидаги кичикроқ иншоот Ҳуайнан шаҳрида қурилган. Бино шунчаки мусиқа асбобларига ўхшаб қурилган эмас — уларни айнан такрорлайди. Ушбу меъморий дурдона муаллифлари — Huainan Fangkai Decoration Project Co компанияси ходимлари ва Хефей технология университети талабалари. Кўпинча пианино уйи кўргазмалар ва оммавий тадбирлар учун фойдаланилади.
Нюаркдаги сават-бино
АҚШнинг Огайо штати, Нюарк шаҳрида сайёҳлар учун замонавий архитектура маркази бўлиб, тўқилган сават кўринишидаги уй бор. Ғайриоддий кўринишга эга етти қаватли бинода сават ва тўқилган буюмлар сотувчи Лонгабергер баскет cомпанй компаниясининг бош қароргоҳи жойлашган. Бино NBBJ ва Korda/Nemeth Engineering томонидан лойиҳалаштирилган. Иш кўп вақтни олган, лекин уни амалга ошириш учун ундан ҳам кўпроқ маблағ сарфланади. Шу сабабли ташкилот директори компаниянинг бошқа шаҳарлардаги бўлинмаларини худди шу услубда безаш ғоясидан воз кечади.
Мавзуга доир:
Изоҳ (0)