Россияни зудлик билан тўхтатиш керак — Польша бош вазири

Польша ҳукумати раҳбари Матеуш Моравецкий Днепрга берилган ракета зарбаси юзасидан изоҳ бериб, Россияни тўхтатиш кераклигини айтди.

Russia intentionally keeps on committing war crimes against civilians. It’s inhuman. We need to act now and make them stop.

Rosja celowo popełnia kolejne zbrodnie wojenne na ludności cywilnej. To nieludzkie. Musimy działać natychmiast, żeby ją powstrzymać. https://t.co/0k1J2pCBy9

— Mateusz Morawiecki (@MorawieckiM) January 15, 2023

Россия фуқаролик объектларига ҳужум қилиш ва тинч аҳолини ўққа тутиш орқали онгли равишда ҳарбий жиноятларни амалга оширмоқда. Жаҳон ҳамжамияти агрессор мамлакатни тўхтатиши керак, деди Польша бош вазири.

«Россия тинч аҳолига қарши қасддан ҳарбий жинояталрни амалга оширишда давом этмоқда. Бу ваҳшийлик», — деб ёзди Моравецкий Twitter’да.

У  Россияни зудлик билан тўхтатиш кераклигини таъкидлади. «Биз ҳозироқ ҳаракатга ўтишимиз ва уни тўхташга мажбур қилишимиз керак», — дейилади унинг твитида.

Моравецкий ўз постига Россиянинг Днепрдаги кўп қаватли уйга берган зарбаси акс этган видеони илова қилди, у ерда айни пайтда қутқарув ишлари давом этмоқда.

Россиянинг Украинага 14 январь кунги оммавий ҳужуми вақтида Днепр шаҳридаги тўққиз қаватли турар жой биносига ракета келиб тушди. Ракета ҳужуми оқибатида 72 хонадон вайрон бўлган, 230 дан ортиғи зарар кўрган. Сўнгги маълумотларга кўра, ҳодиса натижасида 30 киши ҳалок бўлган.

14 январь куни тушдан кейин Россия Украинага қарши навбатдаги оммавий зарбаларни берди. Днепрда тўққиз қаватли бинога ракета урилиши оқибатда иккинчи қаватдан тўққизинчи қаватгача бўлган иккита подъезд вайрон бўлган.