Қишда доимгидан ҳам кучлироқ ва тўйимлироқ маҳсулотларни истеъмол қилиш тавсия этилади: организмни иситиш, вирус ва бактерияларга қарши туриш учун қўшимча калория керак. Қолаверса, касалликларга қарши курашда ёрдам берадиган кўплаб моддаларга эга бўлган баъзи озиқ-овқатларни рационга киритиш лозим, деб ёзади «Новий очаг».
Апельсин
Шамоллаган бўлсангиз, апельсин истеъмол қилиш тавсия этилади: кунига икки-уч апельсин C витаминини (200 миллиграмм) оширади ва бу касаллик давомийлигини саккиз фоизга қисқартириш учун етарли. Бундан ташқари, мева унинг шарбатидан кўра яхшироқдир: мева таркибида фитонсидлар деб аталадиган фойдали моддалар мавжуд.
Пишлоқ
Бундан ташқари, юмшоқ навли пишлоқ жуда ҳам фойдалидир: у иммунитетни қўллаб-қувватловчи бактерияларга бой. Таом, салат, газак учун ёки соф шаклда истеъмол қилинса, ҳам мазали, ҳам фойдали.
Қўзиқоринли шўрва
Оддий дўконлардан сотиб олинган қўзиқоринлардан тайёрланадиган қаймоқли шўрва касалликларга қарши жуда самарали таомдир. Қўзиқоринлар туфайли организм иммунитет тизимини мустаҳкамлайдиган ва қишки касалликларга қарши туришга ёрдам берадиган вирусга қарши оқсилларни ишлаб чиқаришни фаоллаштиради.
Ёнғоқлар
Ёнғоқлар иммунитет тизимининг нормал ишлаши учун муҳим бўлган селен бўйича чемпиондир. Улардан атиги 30 грамм истеъмол қилиш организмни аъло ҳолатда сақлаш ва вирусли касалликлардан ҳимоя қилиш учун етарли.
Лимонли чой ҳақида нима дейиш мумкин?
Афсуски, бу ҳамма ўйлаганидек эмас. Аслида лимонли чой касалликларга қарши курашишдан кўра иммунитетни заифлаштиради. Биринчидан, лимон шарбати аллақачон яллиғланган томоқни безовта қилиши мумкин, бу эса соғайишни секинлаштиради. Иккинчидан, чойдаги кофеин ҳам тезроқ тузалишга тўсқинлик қилади. Қолаверса, касаллик пайтида иложи борича узоқроқ ухлаш яхши самара беради. Ушбу ичимликка қўшиладиган шакар ва асал эса иммунитетни пасайтиради.
Изоҳ (0)