Япония Кагосима префектурасидаги кимсасиз Маге оролида Ўзини-ўзи мудофаа қилиш кучлари учун янги база қурмоқда. Лойиҳа Американинг қирувчи самолётлари ҳарбий машғулотларини ўтказиш режасига мувофиқ амалга оширилмоқда, деб хабар берди Japan Today.
Дастлаб учиш-қўниш йўлаклари ва ўқ-дорилар омборлари қурилади. Кейин оролга самолётлар етказилади.
Лойиҳа АҚШ қирувчи полигонини Тинч океанидаги Ивото оролидан кўчиришга йўл очади.
«Янги база Осиё—Тинч океани минтақасида доимий жойлашган Америка авиаташувчилари учун тенгсиз аҳамиятли бўлади», — дейилади хабарда.
Нашр илгари АҚШ ҳарбий-денгиз кучлари самолётлари Токио яқинида учиб-қўнишни машқ қилганини эслатди, бироқ 1990 йиллар бошида улар машғулотлар ўтказиладиган майдонни Тинч океанидаги, Токиодан 1 250 км жанубда жойлашган Иото оролига кўчирган. Самолётлар эса Япониянинг ғарбий қисмидаги Ивакуни шаҳри ҳудудидаги бошқа Америка ҳарбий базасига ўтказилган: бу база ва Иото ороли ўртасида 1,4 минг км масофа бор. Маге ороли эса Ивакуни шаҳридан 400 км узоқликда жойлашган.
Изоҳ (0)