Электр автомобиллар бўйича жаҳон етакчиси бўлган Хитойнинг BYD автомобиль ишлаб чиқарувчиси 2030 йилга келиб Ҳиндистондаги электромобиллар бозорининг 40 фоизини эгаллашни режалаштирмоқда. Бу ҳақда The Economic Times хабар берди.
«BYD етти йил ичида Ҳиндистондаги электр автомобиллар бозорининг 40 фоизини эгаллаш учун агрессив ҳаракат қилмоқчи. Шу мақсадда компания тўғридан-тўғри чет элдан қарз олмасдан, мамлакатдаги мавжуд заводида электромобиллар ишлаб чиқаришни 10-15 минг донага кўпайтиришни режалаштирмоқда», — деди BYD India’нинг катта вице-президенти Санжай Гопалакришнан.
BYD шўба корхонаси биринчи навбатда Ҳиндистонда қимматбаҳо электромилларини ишлаб чиқариш ва сотишга эътибор қаратмоқчи. Шунингдек, фақат оммавий харидорлар учун моделларни ишга туширмоқчи.
BYD India ўзининг биринчи EV моделини 2022 йил октябрь ойида Ҳиндистонда тақдим этди. Жорий йил охирига қадар у учинчи моделни ишга туширишни ва Ҳиндистон шаҳарларидаги кўргазма заллари сонини 21 тадан 53 тага етказишни режалаштирмоқда.
Автомобиль ишлаб чиқарувчиси, шунингдек, 2023 йилда Ҳиндистонда ўзининг 16 мингта Аttо3 электр «йўлтанламас»ларини сотишни режалаштирмоқда, ишлаб чиқаришга 200 миллион доллар сармоя киритилди.
BYD India фаолияти Ҳиндистон ҳукуматининг 2030 йилгача электромониллари сонини тижорат автомобиллари сегментида 70 фоизга етказишни назарда тутувчи дастури томонидан қўллаб-қувватланади.
Изоҳ (0)