Мажбурий ижро бюросининг Юнусобод туман бўлими тадбиркорлар фойдасига 1 миллиард 737 миллион сўм миқдоридаги қарзни ундириб берди.
Маълум бўлишича, бўлим иш юритувида «Э.Д.» корхонасидан ундирувчилар «Автовишка» ва «Руматин» хусусий корхоналарининг фойдасига умумий ҳисобда 1 миллиард 737 миллион сўм миқдоридаги қарздорлик суммаларини ундириш тўғрисидаги ижро ҳужжати мавжуд бўлган.
Ижро ҳаракатлари давомида қарздор корхонага 15 кунлик ихтиёрий муддат белгиланган. Лекин қарздор ихтиёрий муддатда тадбиркорларга катта миқдордаги қарздорликни қопламаганидан сўнг бюронинг туман бўлими томонидан мажбурий ижро ҳаракатларига киришилган.
Қарздорга тегишли бўлган ҳисоб рақамларига банд солиниб, инкассо топшириқномалари жўнатилган. Мажбурий ижро ҳаракатлари жараёнида қарздордан ундирувчи тадбиркорлар фойдасига 1 миллиард 737 миллион сўм миқдоридаги қарздорлик ундирилиб, мазкур ижро иши қонуннинг 41-моддасига асосан тамомланди.
Изоҳ (0)