Эрон ҳукумати мамлакатдаги намойишчиларни ҳибсга олиш учун Хитой технологиясидан фойдалангани маълум қилинди. Бу ҳақда Fox News хабар берди.
Ҳукмрон режим намойишчиларни, ҳижобни нотўғри ўраган аёлларни ҳибсга олиш ва жиноий жавобгарликка тортиш учун Хитойнинг юзни таниш технологиясидан фойдаланган. Кўплаб аёллар кўчада ҳуқуқ-тартибот идоралари ходимларини учратмаган бўлсалар ҳам, мамлакат адлия органларидан «ҳижоб ўраш қонунини бузганлиги» учун хат олган. Олинган маълумотларга кўра, Ислом Республикаси кўп йиллардан буён фуқароларнинг «биометрик маълумотлар базаси»ни юзини сканерлаш орқали тузиб келмоқда.
Кўчада жисмоний қарама-қаршиликларга йўл қўймаслик учун Эрон режими қонунларни амалга ошириш ва намойишчиларни ҳибсга олиш учун рақамли кузатувдан фойдаланган. Юзни таниб олиш лойиҳаси сўнгги йилларда бутун дунё бўйлаб авторитар режимлар учун танлов воситасига айланган. Хитой технологияси Коммунистик партия томонидан бутун мамлакат бўйлаб мухолифат фаолиятини назорат қилиш ва бостириш учун ишлатилган. Энди Эрон ҳам мамлакатдаги ички муаммоларида ундан фойдаланмоқда.
Мавзуга доир: Ишдан бўшатишдан сургун қилишгача: Эронда ҳижобни нотўғри ўраганларга нисбатан жазо кучаяди
Изоҳ (0)