Қуйи Чирчиқда қарийб 5 мингта хонадонда газ таъминоти тўхтатилди

Тошкент вилояти Қуйи Чирчиқ туманида газ тармоғида 11 январь куни носозлик юзага келди. Бу ҳақда Энергетика вазирлиги ахборот хизмати хабар берди.

Қайд этилишича, «Пахтаобод» ва «Мевазор» маҳаллаларини табиий газ билан таъминловчи газ қувурида носозлик юзага келган. Натижада юқоридаги МФЙлардаги жами 910 та аҳоли хонадонларида табиий газ таъминоти вақтинча тўхтатилган.

Шунингдек, тумандаги «Жумагул», «Балиқчи», «Юлдуз», «Ўжакент», «Гул», «Дўстлик-1», «Тўқбой» ва «Абай» МФЙларини табиий газ билан таъминловчи газ қувурида носозлик юзага келган.

Натижада 12 январь куни соат 01:00 дан юқорида кўрсатилган манзиллардаги жами 4000 та аҳоли хонадонларида табиий газ таъминоти вақтинча тўхтатилган. Таъмирлаш ишлари тугатилгандан сўнг, табиий газ таъминоти қайта тикланади.