Тошкент вилояти Чиноз туманида қонунга хилоф равишда балиқ овлаган фуқарога чора кўрилди. Бу ҳақда Давлат экология қўмитаси хабар қилди.
Қайд этилишича, фуқаро Б.Э. Чиноз туманидан оқиб ўтувчи Сирдарё дарёсига балиқ овлаш учун борган. Бироқ балиқ овлаш учун фуқарода ҳеч қандай рухсатнома йўқ бўлган.
Тошкент вилояти Экология бошқармаси давлат инспекторлари ҳамда Тошкент вилояти Ички ишлар бош бошқармаси пост-патруль хизмати ходимлари ҳамкорликда ўтказилган тадбирда мазкур ноқонуний ҳолатга чек қўйилган. Фуқарога нисбатан Маъмурий жавобгарлик тўғрисидаги кодекснинг 90-моддаси (ов қилиш ва балиқ овлаш қоидаларини, шунингдек ҳайвонот дунёсидан фойдаланишнинг бошқа турларини амалга ошириш қоидаларини бузиш) 1-қисми билан маъмурий баённома расмийлаштирилган.
Шунингдек, ушбу рейд тадбирида номаълум шахсларга тегишли балиқ овлашга мўлжалланган 200 метр лескали тўрлар йиғиб олинган.
Изоҳ (0)