АҚШ Конгресси Вакиллар палатаси овоз беришнинг 15-босқичидан кейин республикачи Кевин Маккартини янги спикер сифатида сайлади, деб хабар бермоқда CNN телеканали.
Овоз бериш якунларига кўра, палатадаги республикачилар етакчиси Маккарти 216 та овозни қўлга киритган, унинг асосий рақиби — демократ Хаким Жефрисга эса 212 киши овоз берган.
Бу 100 йил ичида Вакиллар палатаси спикери сайлови битта босқичдан кўпроқ давом этиши билан боғлиқ биринчи ҳолатдир.
1923 йилда ҳам республикачилар биринчи уринишда Вакиллар палатаси спикерини сайлай олмаган. Ўшанда конгрессмен Фредерик Жиллеттни сайлаш учун тўққизта раунд керак бўлган. Ундан аввал 1859 йилда сиёсатчилар Нью-Жерси штатидан республикачи депутат Уильям Пеннингтон ғалаба қозонгунга қадар 44 марта овоз берган.
2022 йил ноябрь ойида АҚШда оралиқ сайловлар бўлиб ўтганди, унинг натижасида республикачилар Вакиллар палатасида 218 та ўринни эгаллаб, уни назорат қила бошлади. Шундан сўнг Нэнси Пелосининг ўрнига янги спикер танлаш зарурати юзага келди, чунки Пелоси демократлар вакили.
Республикачилар партияси эндиликда АҚШ президенти Жо Байден маъмуриятининг кун тартибига таъсир ўтказиши мумкин бўлади. Олдинги икки йилда Конгресснинг юқори ва қуйи палаталарини назорат қилган демократлар республикачиларнинг розилигисиз ҳам исталган қонун лойиҳасини қабул қила олган.
Мавзуга доир:
Изоҳ (0)