Қашқадарё вилояти Қамаши туманидаги «Файз» деҳқон бозорида 2 январь куни савдогарлар мутасаддиларга қаршилик қилиб, жанжал чиқарди. Вилоят ИИБ ахборот хизмати ҳолат юзасидан маълумот берди.
Қайд этилишича, соат 10:30 да Қамаши тумани ҳокими ўринбосари М.Н. ва бозор раҳбари А.А. ҳудудга келиб, ободонлаштириш ишларининг боришини назорат қилган. Бозор атрофига бетон ариқ ўрнатиш мақсадида эксковатор ишлаётган вақтда фуқаролар жанжал чиқарган.
Жанжал вақтида фуқаролар З.Т. ва Н.Б. билан ҳоким ўринбосарини қасддан бир неча маротаба уриб, эксковатор ойнасига тош отиб синдириб, бозорқўмга тегишли Nexia-2 машинасига зарар етказиб, фуқароларни фаол қаршилик кўрсатишга жалб қилган.
Воқеа жойига Қамаши туман ИИБ ходимлари чиқиб, фуқароларни тинчлантириб, жамоат тартиби сақлашга эришилган. Мазкур ҳолат юзасидан Жиноят кодексининг 277-моддаси 3-қисми «г» банди билан жиноят иши қўзғатилиб, тергов ҳаракатлари олиб борилмоқда.
Мавзуга доир: Оҳангарондаги заправкада юз берган жанжал бўйича расмий маълумот берилди
Изоҳ (1)
Ким бўлишидан қатъий назар музокара ўрнига куч ишлатиш яхши иш эмас. Бундай нохуш ҳолатлар кам бўлса ҳам учраб туради. Бунинг асосий сабаби эса қонунни билмаслик деб ҳисоблайман. Қонунни билмаган киши куч ишлатиб фақат ўзига жабр қилади. ҳатто кўп йилга қамалиши ҳам мумкин.
Изоҳ ўчирилди