Ўзбекистон бош консулхонаси вакиллари Тошкент—Олмаота йўналишида парвоз қилган самолёт кучли турбулентлик зонасига тушиб қолиши оқибатида жабрланган ватандошлар билан учрашди, деб хабар бермоқда «Дунё» АА.
Транспорт вазирлиги берган маълумотга кўра, 2 январь куни Тошкент—Олмаота йўналиши бўйича КC128 рейсини амалга ошириш чоғида бортида 135 йўловчи ва 9 нафар экипаж аъзоси бўлган Air Astana самолёти Чимкент парвозларни бошқариш маркази ҳудудида 350 (10600 м) баландликда кучли турбулентликка учради. Ҳодиса натижасида 7 киши (шундан 3 нафари Ўзбекистон фуқароси) жабрланган.
Ўзбекистон дипломатлари 2 январь куни жабрланганларга биринчи тиббий ёрдам кўрсатиш учун етказилган 4-сонли шаҳар клиник шифохонасида бўлди.
Бош консулхона маълумотига кўра, 12 ёшли ўзбекистонлик ҳеч қандай шикояти йўқлиги сабаб унга уйига боришга рухсат берилган. Унинг онаси ҳам шифокорлар кўригидан ўтиб, яшаш жойига кетган. Қўлидан енгил жароҳат олган яна бир Ўзбекистон фуқароси ҳам вақтинчалик яшаш жойига жўнаб кетган.
Air Astana вакилларининг айтишича, Ўзбекистон фуқароларига ёрдам кўрсатиш учун зарур бўлган барча дори-дармонлар авиакомпания ҳисобидан харид қилинган.
«Бош консулхона ходимлари жабрланган юртдошларимиз билан зарур консуллик ва ҳуқуқий ёрдам кўрсатиш учун доимий алоқада бўлиб турибди», — дейилади хабарда.
Изоҳ (1)
манга йокмади бу приложении