Ўзбекистонда ишлаб чиқарилган миллий ҳунармандчилик маҳсулотларини халқаро онлайн платформаларида сотиш орқали миллионлаб долларлик экспорт амалга оширилмоқда. Бу ҳақда «Ҳунарманд» уюшмаси раиси ўринбосари Бобур Мансуров «Дарё» мухбирига берган қисқача интервьюсида айтиб ўтди.
Бобур Мансуровнинг айтишича, миллий ҳунармандчилик маҳсулотлари халқаро интернет дўконлари орқали сотиш ортиб бормоқда.
Миллий ҳунармандчилик маҳсулотларининг онлайн савдосини йўлга қўйиш учун uzcrafts.uz, suzanishop.uz ва ikatmarketing.com каби интернет магазинлари ҳамда ижтимоий тармоқларда uzcraft.com канал ва гуруҳлари ташкил этилди.Қўшимча қилинишича, келаси йилда хорижий давлатларда бўлиб ўтадиган 28 та ҳунармандчилик кўргазмаларида 320 нафар ҳунармандларнинг иштирокини таъминлаш орқали ушбу йўналишда савдо ҳажмини 1,5 млн долларга етказиш, ҳамкорлик алоқаларини ўрнатиш ва тўғридан-тўғри шартнома тузиш йўли билан маҳсулот экспорт қилишга кўмаклашиш ва йиллик экспорт ҳажмини 15,3 млн долларга етказиш режалаштирилган.Ҳунармандчилик йўналишида миллий урф одатларимизни акс эттирган «Чуст Дўппи», «Адрас оф Маргилан», «Каракул Фур», «Риштан Ceramics» каби миллий брендлар яратилиб, бундай брендлар билан 250 нафардан ортиқ ҳунармандлар Amazon, eBay ва ETSY каби платформаларга миллий ҳунармандчиликнинг талаб юқори бўлган 12та йўналиши бўйича 5 мингдан ортиқ маҳсулотлар жойлаштирилиб, онлайн савдо ҳажми 1,5 млн доллардан ошди.
Ҳунармандларни онлайн савдо ва туризм соҳасида билим ва кўникмаларини ошириш мақсадида хар бир ҳудудда бир ойда 3 марта жами 42 та ўқув-семинар, тренинглар ташкил этиш орқали E-Commerse тизимида фаолият юритаётган ҳунармандлар сонини 220 нафардан 500 нафарга етди.
Маълумот учун, Ўзбекистоннинг хорижий давлатлардаги элчихона ва ваколатхоналари кўмагида МДҲ, Европа ва АҚШ давлатларига ҳунармандчиликнинг кулолчилик, каштачилик, зардўзлик, ёғоч ўймакорлиги, гиламчилик ва қўлда газлама тўқиш йўналишлари бўйича жами 13,2 млн долларлик миқдоридаги маҳсулотлар экспорт қилинган.
Изоҳ (0)