Корхонанинг умумий майдони 70 000 кв.м. бўлиб, шундан 10 000 кв/м ишлаб чиқариш учун ажратилган. Заводнинг қуввати — 450 000 м3. Унда 150 нафаргача инсонларнинг бандлигини таъминлаш режалаштирилган.
Заводнинг тантанали очилиш маросимида Тошкент вилоятининг ҳокимлиги, тадбиркорлик субъектлари, ОАВ ва жамоатчилик вакиллари иштирок этишди.
Қарийб 100 йилдирки Германиянинг YTONG бренди юқори технологик қурилиш материалларини ишлаб чиқаришда етакчилик қилиб келмоқда. Бугунги кунда дунёда 100 дан ортиқ YTONG фабрикалари ишламоқда. Унинг блоклари энергетик самарадорлиги билан фарқ қилади. Стандарт қурилиш блокларига нисбатан, у 6 баравар паст иссиқлик ўтказувчанлигига эга, шунинг учун ушбу блокдан қурилган девор хона ҳароратини узоқроқ ушлаб туради ва коммунал хизматлар учун ҳаражатларни тахминан 35 фоизга камайтиради. Бундан ташқари, YTONG блоки экологик тоза материаллардан тайёрланган ва ёнғиндан хавфсиздир.
Ҳозирги кунда, газ-бетон бозордаги девор материалларининг универсал туридир. Ундан фойдаланиш усулини ҳар қандай қурилиш объектларида — кам қаватли индивидуал қурилишлардан тортиб, катта офис, турар жой мажмуалари ва йирик лойиҳаларгача — топиш мумкин. Ўзига хос хусусиятлари, яъни, етарли даражада мустаҳкамлик, яхши иссиқлик ўтказувчанлик ва енгил вазни сабабли материал универсалдир ва ҳар қандай жойда қўлланиши мумкин.
Маҳсулот номенклатураси фақат YTONG газ-бетон блоклари билан чекланмайди. Кенг тарқалган турли ўлчамдаги силлиқ блоклар билан бир қаторда заводнинг ассортиментига радиусли ва лекалоли юзаларни яратиш учун эгри блоклар, кашаклар ва У-симон блоклар кириб, улар қурилиш шароитида ечилмас опалубка учун қўлланилади ва мустаҳкамланган кашаклар ва монолит куч поясларини яратишда қўл келади.
YTONG сейсмик фаол ҳудудларда кенг қўлланилади. Газ-бетон блоклар мустаҳкамланган тизим, ингичка чокли елим эритмаси ва енгиллиги сабабли зилзилаларга қарши чидамлидир.
«Ишлаб чиқаришда биз чиқарилаётган маҳсулотнинг сифатига катта эътибор қаратамиз. Бу устувор вазифамиз. Бугун ҳамкорларимиз билан Ўзбекистонда Германия стандартларига жавоб берадиган YTONG заводини ишга туширяпмиз. Кўп давлатларда сифати эътироф этилган маҳсулот жойида ишлаб чиқарилиб, бутун Республикага етказилади ва ишлаб чиқарилаётган маҳсулотнинг ўзгармас ишончлилиги, юқори эксплуатацион жиҳатларини кафолатлайди», — таъкидлади завод директори Аюбхон Нуритдинов.
Реклама ҳуқуқи асосида.
Изоҳ (0)