Қашқадарё вилояти Кўкдала туманидаги 76-мактабда 27 декабрь куни бир гуруҳ ўқувчилар машинада арча атрофида айланди. Вилоят ИИБ ҳолат юзасидан муносабат билдирди.
Маълум қилинишича, «Сувлиқ» маҳалласида жойлашган 76-мактаб ўйингоҳида Янги йил байрами муносабати билан ўрнатилган арча атрофида 4 нафар 11-синф ўқувчиси Lacetti ва 2 та Cobalt’да ҳуқуқбузарлик содир этган.
Ҳолат юзасидан ўқувчиларнинг ота-оналарига нисбатан Маъмурий жавобгарлик тўғрисидаги кодекснинг 47-моддаси 1-қисми билан маъмурий баённома расмийлаштирилиб, тегишли чора кўрилган. Вояга етмаган ўқувчилар билан профилактик суҳбатлар ўтказилиб, ҳуқуқий тушунтириш ишлари олиб борилган.
Мавзуга доир: Тошкентдаги мактабда ИИБ ходимлари қўлида қайчи билан ўқувчиларни текширганига изоҳ берилди