Қизил икрани янада кўпроқ истеъмол қилиш учун 4 та сабаб

Қизил икра истеъмол қилишдан хавотир оладиганлар учун шифокорнинг қуйидаги далиллари тўғри қарор қабул қилишга ёрдам беради, деб ёзади The Voice Mag.

Қизил икра нафақат ҳар қандай дастурхонга безак бўлиб хизмат қиладиган мазали егулик, балки соғлиқ учун ҳақиқатан ҳам муҳим маҳсулотдир. Мутахассис Михаил Гинзбургнинг фикрича, қизил икрани кўпроқ истеъмол қилиш учун камида 4 та сабаб бор. Маълум бўлишича, икра холестерин даражасини пасайтиради, юрак-қон томир тизими касалликларидан ҳимоя қилади, кайфиятни яхшилайди ва ҳатто саратон касаллигига қарши курашади. Аввало, маҳсулотнинг мўъжизавий хусусиятлари таркибида омега-3 ёғ кислоталари ва холиннинг юқори миқдори мавжуд.

«Икра организмни ёмон холестерин ва у билан боғлиқ бўлган барча муаммолар — атеросклерознинг ривожланиши, унинг асоратлари, яъни инфаркт ва иснултдан ҳимоя қилади», — дейди парҳезшунос.

Шунингдек, икра кайфиятни яхшилайдиган магний, Д ва B гуруҳи витаминларига бой. Мазали денгиз маҳсулоти умумий яллиғланишга қарши таъсирга эга ва қонда чўкиндилар пайдо бўлиши хавфини камайтиради.

Қизил икра саратон касаллигининг олдини олишнинг яхши воситаси сифатида ҳам фойдали ҳисобланади. Бу йўғон ичак саратони, аёлларда кўкрак саратони ва эркакларда простата саратони хавфини сезиларли даражада камайтиради.

«Бу барча ўсмалар организмдаги яллиғланиш ҳолатига боғлиқ ва барча яллиғланишга қарши маҳсулотлар бу касалликларнинг ривожланиш эҳтимолини камайтиради», — деб тушунтирди шифокор.