Ўзбекистонда ҳафта давомида қандай об-ҳаво бўлиши маълум қилинди

«Ўзгидромет» 26—30 декабрга об-ҳаво прогнозини эълон қилди.

Унга кўра, 26—27 декабрь кунлари Ўзбекистон ҳудудининг катта қисмида ёғингарчилик кутилмайди, Туркманистон ҳудудидан нам ва илиқ ҳаво кириб келишида фақат Бухоро, Навоий, Самарқанд, Қашқадарё вилоятларида баъзи жойларда кучсиз ёмғир ёғади, шимолда ва чўл ҳудудларда бироз ёғингарчилик (ёмғир, қор) бўлиши мумкин.

Кундузи ҳаво ҳарорати 7-12 даража илиқ бўлади, баъзи жойларда 15 даражагача кўтарилади.

28 декабрда нам ҳаво массаси жанубий вилоятлардан республиканинг марказий ҳудудларига силжийди. Тошкент, Самарқанд, Жиззах, Сирдарё вилоятларида баъзи жойларда бироз ёмғир ёғади. Қолган ҳудудларда ёғингарчилик кутилмайди. Ҳаво ҳарорати кечаси 2 даража совуқ — 3 даража илиқ, кундузи 5-10 даража илиқ атрофида бўлади.

29—30 декабрь кунлари республика бўйича ёғингарчилик бўлиши эҳтимоли кам. Ҳарорат кечаси 2 даража совуқ — 3 даража илиқ атрофида бўлади. Кундузи ҳарорат 2-7 даража илиққача пасаяди.

Республика бўйича баъзи жойларда туман тушади.

Ушбу ҳафтада тоғ олди ва тоғли ҳудудларда вақти-вақти билан ёғингарчилик (ёмғир, қор) бўлади.

Мавзуга доир: Янги йилда Ўзбекистоннинг аксар ҳудудларида қор ёғиши мумкин