Голливуд актёри Том Круз «Уддалаб бўлмас топшириқ» фильмининг янги қисмларида суратга тушишда давом этмоқда. У мухлисларга алоҳида мурожаат қилди, «Топ Ган: Меверик»ни қўллаб-қувватлагани учун миннатдорчилик билдирди ва самолётдан сакради, деб ёзади «Film.ru».
«Ҳаммага салом, биз Жанубий Африкада ‘Уддалаб бўлмас топшириқ 7 ва 8’ фильмини суратга олишни якунладик. Йилни кинотеатрларда ‘Топ Ган: Меверик’ни томоша қилган ва қўллаб-қувватлаган барчага раҳмат айтмасдан якунлашни хоҳламадим. Хурсанд бўлишимга имкон берганингиз учун яна бир бор раҳмат. Баландлик ортиб боряпти, мен ишга қайтишга мажбурман. Биз буни суратга олишимиз керак. Байрамни хавфсиз ва бахтли тарзда ўтказишингизни тилайман. Кинода кўришгунча», — деди Круз ва самолётдан сакради.
«Топ Ган: Меверик» 1986 йилги «Топ Ган» фильмининг давомидир. Фильм 2022 йил май ойида намойиш этилди ва бутун дунё бўйлаб тахминан 1,5 миллиард доллар тўплади, қолаверса, бир нечта «Олтин глобус» номинацияларига сазовор бўлди. Америка Қўшма Штатлари Миллий кино шарҳловчилари кенгаши ҳам уни йилнинг энг яхши фильми деб тан олди.
Изоҳ (0)