Қоннинг қуюқлигини умумий қон тести ва коагулограмма ёрдамида аниқлаш мумкин, чунки унинг ташқи кўриниши билан ҳеч қандай хулосага келиб бўлмайди. Бироқ организмнинг бир қисми ҳам қон томирлари орқали жуда қалин қон ҳаракатланишини кўрсатади, деб ёзади The Voice Mag.
Маълум бўлишича, инсон бармоқлари унда қон билан боғлиқ муаммо борлиги ҳақида хабар беради. Агар бармоқ учларида душ қабул қилгандан кейин бурмалар пайдо бўлса, демак, қон ҳолати қуюқ. Бу қоннинг томирлар бўйлаб ҳаракатланиши қийинлигини, унинг озуқа моддалари ва кислород билан таъминланмаганлигини кўрсатади. Шунинг учун тери заифлашади ва табиий равишда бурмалар ҳосил бўлади.
Қон қуюқлашиши нима учун хавфли? Қонда тромблар ҳосил бўлиши ортидан инфаркт ёки инсульт хавфи ортади. Қонни суюлтиришга нафақат шифокор томонидан тавсия этилган дорилар, балки бошқа воситалар ҳам ёрдам беради.
Мисол учун, қон қуюқлашмаслиги учун чекишни бутунлай тўхтатиш керак, шунингдек, қаҳва ва спиртли ичимликларни, айниқса, пивони бутунлай рациондан чиқариш керак. Қора ёки қизил узум эса бу борада фойдали — буларнинг барчаси маҳсулот таркибидаги кучли антиоксидантлар туфайли. Аммо бошқа узумлар мутлақо фойдасиз: улар қизилдан ўн баравар камроқ фойдали компонентларни ўз ичига олади.
Изоҳ (0)