Парҳезшунослар вазн камайтиришнинг ажойиб йўлини таклиф қилмоқда — одатдаги ширинликларни араб хурмоси билан алмаштириш. Бу мевалар витамин ва минералларни ўз ичига олади, улардан фойдаланиш организмга озуқа моддаларининг етишмаслигини тўлдиришга ёрдам беради. Хурмо парҳезига риоя қилган ҳолда овқатланишни қандай ташкил қилиш керак? Wday нашри қуйида ушбу саволга жавоб берди.
Араб хурмоси ва парҳез: қуритилган меваларни қандай истеъмол қилиш керак?
Юқори калория миқдори (280 ккал / 100 г) ва ширинлигига қарамай, араб хурмоси парҳез давомида истеъмол қилишга рухсат берилган маҳсулот ҳисобланади. Кам углеводли рационга риоя қилинса ҳам, қуритилган меваларни истеъмол қилиш мумкин, лекин оз миқдорда.
Араб хурмоси фруктоза ва глюкоза туфайли ширин бўлиб, улар организм томонидан тез сўрилади. Сахарозадан фарқли ўлароқ, бу моддалар ёғ захираларида сақланмайди, бутунлай энергияга айланади. Аммо шуни ёдда тутиш керакки, қаттиқ жисмоний зўриқишсиз қуритилган мевалар истеъмол қилинса, парҳез иш бермайди, аксинча вазн ортади. Араб хурмоси ҳар овқатдан 40 дақиқа ўтгач истеъмол қилиниши керак. 19:00 дан 6:00 гача қуритилган меваларни тановул қилиш тавсия этилмайди.
Рациондаги ширинликлар ўрнига араб хурмоси организмнинг витамин ва минералларга бўлган кунлик эҳтиёжини қоплайди. Кунига 10 тадан кўп бўлмаган мева истеъмол қилиш мумкин, у тоза сув ёки кўкл чой билан ювилади.
Араб хурмоси билан парҳез: мутахассис тавсиялари
Фақат хурмоларни ўз ичига олган парҳез моно-парҳез бўлиб, уни 5 кундан ортиқ қўлламаслик керак. Маҳсулотлардан қуритилган мевалар ва тоза сув, ўсимлик дамламалари, кўк чой ва қаҳваларни кунлик рационга киритиш мумкин. Парҳезнинг 4-кунида яшил олма рационга киритилади.
Хурмо билан парҳез қилиш шуни кўрсатдики, мева 8 килограммгача вазн йўқотишга ёрдам беради. Аммо бу организмнинг керакли миқдорда оқсил олишига тўсқинлик қиладиган қаттиқ парҳездир. Унинг давомийлиги учун интенсив жисмоний фаолиятни тўхтатиш керак, акс ҳолда мушаклар ёғ билан бирга парчалана бошлайди.
Парҳезшунослар хурмоларни сабзавот ва сут маҳсулотлари билан бирлаштиришни маслаҳат беради. Бундай парҳез фақат организмга фойда келтиради ва ортиқча вазндан халос бўлишга ёрдам беради.
Хурмони ташкил этувчи моддалар организмдан ортиқча намликни чиқариб ташлайди, уни энергия билан тўйдиради. Аммо юқори самарадорлик учун парҳезни тўғри сув режими ва ўртача жисмоний фаолият билан бирлаштириш керак.
Изоҳ (0)