«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 11-сони мавзуси «Тазйиқ ва зўравонлик — номардлик» бўлиб, дастур меҳмони сифатида иқтисод фанлари доктори, профессор Барногул Санакулова таклиф этилди.
Биз бугун имитация билан шуғулланяпмиз. Гўёки ННТлар бор, гўёки улар зўр ишлаяпти. Уларнинг орасида ҳақиқатан ишлаётганлари ҳам йўқ эмас. Лекин хўжакўрсинга ишлашни четга суриб қўйиб, ижтимоий фаол, ғояларга эга ва энг муҳими, аёлларни яхши кўрадиган аёлларга имконият бериш керак. Минг афсус, охирги бир ойда амин бўлдимки, биз хотин-қизлар муаммосини аёлларни яхши кўрмайдиган, доим эътиборсиз қолдирадиган, уларга лоқайд бўлганларга топшириб қўйган эканмиз. Бундай масалаларда аёлни аёл яхши кўриши, бағрикенг бўлиши, қадрлаши ва қайғуриши керак.Хотин-қизлар қўмитасидан умидим катта эмас, уларни танқид қилишни хоҳламаяпман ва бу бефойдалигини тушундим. Лекин Сенат бу масалага жуда жиддий қараяпти. «Пилот» режимидаги жамоалар тузишни режалаштиряпмиз. Мен ҳам ўзимга боғлиқ, фойдаси тегиши мумкин бўлган таклифларимни беряпман. Жамоа бошида ёки ортда туриб ишлашга тайёрлигимни билдирдим, – дейди Барногул Санакулова.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)