«Реал», Аргентина, Марокаш ва «Голден Стейт». АIPS талқинига кўра йилнинг энг яхши жамоалари аниқланмоқда

Халқаро спорт матбуоти ассоциацияси (АIPS) йилнинг энг яхши жамоаси бўлиш учун номзодлар рўйхатини эълон қилди.

Ундан ЖЧ—2022 ярим финалчилари — Аргентина, Хорватия, Франция ва Марокаш ўрин олди.

Шунингдек, футбол клубларидан «Реал», «ПСЖ», «Бавария» ва «Челси», аёллар футболидан Бразилия ҳамда Англия терма жамоалари рўйхатга киритилди.

Ундан ташқари, номзодлар ичида НБА чемпиони «Голден Стейт», ҳоккей бўйича Финляндия терма жамоаси (Олимпиядани ва ўз уйида Жаҳон чемпионлигини қўлга киритди), волейбол бўйича Бразилия ва Италия терма жамоалари, тоғ чанғи спорти бўйича Хитой терма жамоаси, «Формула-1»дан «Red Bull», сув полосидан Испания терма жамоаси, енгил атлетика бўйича АҚШ терма жамоаси, спорт гимнастикасидан АҚШ аёллар терма жамоаси ва фигурали учиш бўйича хитойлик жуфтлик — Венцин Суй ҳамда Сун Ҳанлар бор.

Журналистларнинг овоз бериш жараёни 29 декабрга қадар давом этади.