Қорақалпоғистоннинг Тўрткўл туманида тўрт нафар фуқаро ис газидан заҳарланиб, шифохонага ётқизилгани хабар берилганди. Ҳолат юзасидан республика Соғлиқни сақлаш вазирлиги ахборот хизмати раҳбари Султанбек Зияев «Дарё»га қўшимча маълумот берди.
Қайд этилишича, 14 декабрь куни соат 21:30 атрофида Тўрткўл туманининг «Уллубоғ» ОФЙ Нурли йўл посёлкасида яшовчи тўрт нафар фуқаро боши айланиб, ис газидан заҳарланган бўлиши мумкинлигини айтиб, туман шифохонасига мурожаат қилган.
Фуқароларнинг барчаси уйда бўлган. Ўша куни ушбу хонадонда зиёфат бўлган. Фуқароларнинг бир нафарига шу ернинг ўзида тиббий муолажалар кўрсатилиб, шу вақтнинг ўзида уйига рухсат берилган. Қолган уч нафар фуқарога эса бугун, 15 декабрь куни уйига қайтган, — дейди Султанбек Зияев.
Масъулнинг қўшимча қилишича, фуқароларнинг ис газидан заҳарланганлиги бўйича экспертиза хулосасидан сўнг аниқ маълумот берилади.
Мавзуга доир:
Изоҳ (0)