Андижон вилоятининг Андижон туманидаги хонадонда ёнғин юз бериб, бир киши воқеа жойида ҳалок бўлди.
Туман ҳокимлиги матбуот хизмати берган хабарга кўра, ёнғин 12 декабрь куни соат 13:41 ларда Андижон тумани «Саноат» МФЙ Саноатчи кўчасидаги уйда бошланган. Иккита ёнғин-қутқарув экипажи соат 13:43 да воқеа жойига етиб борган ва ёнғин соат 13:46 да қуршаб олиниб, соат 14:04 да ўчирилган.
Ёнғин оқибатида ушбу хонадонда яшовчи 1959 йилда туғилган М.А. олган тан жароҳати натижасида воқеа содир бўлган жойда вафот этган. Унинг фарзанди 1991 йилда туғилган З.А. 85 фоиз куйиш жароҳати билан Республика шошилинч тиббий ёрдам илмий марказининг Андижон филиалига ётқизилган.
Аниқланишича, ёнғин иситиш печидан фойдаланишда эҳтиётсизлик оқибатида келиб чиққан. Уйнинг 40 метр квадрат қисми ёниб зарарланган, 200 метр квадрат қисми сақлаб қолинган.
Бундан аввал Намангандаги хонадонда қўлбола печ сабаб ёнғин юз бериб, икки киши — бири 65 фоиз, иккинчиси 95 фоиз куйиш жароҳати олгани ҳақида хабар берилганди.
Мазвуга доир: Термиздаги хонадонларнинг бирида портлаш содир бўлди
Изоҳ (0)