Шрек ҳақидаги бешинчи мультфильм яна катта экранларга қайтиши мумкин. Бу ҳақда «Этик кийган мушук» франшизасида овоз берган актёр Антонио Бандерас маълум қилди, деб ёзади «Фильм.ru».
«Мен бу мушук билан қарийб 20 йилдан бери биргаман. Мен у билан бешта фильмда ишладим. Яқинда улар яна биттага кўпаяди ва катта эҳтимолга кўра ‘Шрек’ билан қайтади», — деди Бандерас Саудия Арабистонида бўлиб ўтаётган Red Sea кинофестивалидаги интервьюларидан бирида.
DreamWorks Animation студияси тўртта «Шрек» ва иккита «Этик кийган мушук» лентасини яратган. Қолаверса, 2022 йилнинг декабрь ойи охирида халқаро миқёсда «Сўнгги тилак» мультфильмининг чиқиши режалаштирилган. 2018 йилда Variety нашри «Шрек» ҳақидаги бешинчи мултфлм чиқишини хабар берган, бироқ лойиҳа ҳанузгача амалга ошмаган эди.
Изоҳ (0)