Футбол бўйича ЖЧ—2022 нимчорак финалида Португалия ва Швейцария терма жамоалари 6 декабрь, сешанба куни ўзаро тўқнаш келди.
Учрашувнинг 17-дақиқасида Гонсалу Рамуш ҳисобни очди. 33-дақиқада Пепе португалияликларнинг иккинчи голига муаллифлик қилди. Шу тариқа жамоалар танаффусга 2:0 ҳисобида чиқиб кетди.
51-дақиқада Рамуш дублни расмийлаштирди. Орадан 4 дақиқа ўтиб, Рафаэл Геррейру Португалиянинг тўртинчи голини урди. 58-дақиқада Мануэль Аканжи ҳисобни қисқартирди. 67-дақиқада эса Рамуш ҳет-трик муаллифига айланди. Ўйин сўнгида эса Рафаэл Леау ҳам ўз ҳисобига гол ёздириб қўйди.
Португалия чорак финал йўлланмасига эга чиқди. Фернанду Сантуш шогирдлари 1/4 финалда Марокаш билан баҳс олиб боради.
ЖЧ—2022
1/8 финал баҳси
6 декабрь, сешанба
Португалия — Швейцария 6:1
Голлар: 1:0 – 17 Гонсалу Рамуш, 2:0 – 33 Пепе, 3:0 – 51 Гонсалу Рамуш, 4:0 – 55 Геррейру, 4:1 – 58 Аканжи, 5:1 – 67 Гонсалу Рамуш, 6:1 — 90+2 Леау.Португалия: Диогу Кошта, Диогу Далот, Пепе, Рубен Диаш, Геррейру, Вильям Карвалью, Отавио (Витиня, 74), Бернарду Сильва (Рубен Невеш, 81), Бруну Фернандеш (Леау, 87), Жоау Феликс (Роналду, 73), Гонсалу Рамуш (Рикарду Орта, 74).
Швейцария: Зоммер, Родригес, Шер (Жемерт, 46), Аканжи, Фернандеш, Варгас (Окафор, 66), Жака, Фройлер (Закария, 54), Соу (Сеферович, 54), Шакири, Эмболо (Жашари, 89).
Огоҳлантиришлар: Шер (43), Жемерт (59).
Изоҳ (0)