Британия қироли Чарльз III Лутон шаҳри бўйлаб сайр қилиб юрганида унга номаълум эркак тухум улоқтирди. Бу ҳақда Sky News хабар берди.
Маълум қилинишича, қироллик полицияси аллақачон монархга тухум отган эркакни қўлга олган. Воқеадан сўнг қирол хавфсизлик ходимлари томонидан шаҳар марказида тўпланган оломондан узоқроққа олиб кетилган. Кўп ўтмай, 74 ёшли монарх жамоатчилик вакиллари билан қўл бериб кўришишни давом эттирган.
Эслатиб ўтамиз, Англиянинг Ёрк шаҳрида ноябрда Чарльз III ва унинг рафиқаси консорт қиролича Камиллага қарата тухум отилганди. Ҳодиса акс этган видеога қараганда, қирол ва унинг рафиқасига қарата камида тўртта тухум отилган. Уларнинг ҳеч бири Чарльз ёки Камиллага бориб тегмаган.
Воқеадан кейин уларнинг ёнига қўриқчи келган. Қирол ерга тушган тухумлардан бирининг пўчоғини босиб олишига сал қолган.
Мавзуга доир:
Изоҳ (0)