Афғонистонда «Толибон» Тахор вилоятидаги мактабда ўз жангчисининг никоҳ маросимини ўтказди. Бу ҳақда Hasht-e Subh Daily хабар берди.
Маълумотларга кўра, маросим «Саед Ҳусайн Шаҳид» мактабида бўлиб ўтган ва унда фақат эркаклар қатнашган. Тўй иштирокчилари мактаб биносида овқатланган. «Толибон» ҳеч кимга сурат ёки видео олишга рухсат бермаган.
«Толибон» ҳокимият тепасига келганидан кейин аёлларга турли тақиқлар жорий этди. Хусусан, аёллар эркак йўлбошчисиз шифохонага бориши ва кўрикдан ўтиши мумкин эмас. Бундан ташқари аёлларга SIM карта сотиб олиш, истироҳат боғига ташриф буюриш тақиқланган. Европа Иттифоқи эса «Толибон»нинг аёлларга нисбатан янги чекловларини қоралаган.
Изоҳ (0)