Илон Маск 6 ойдан кейин одамлар миясига чип ўрнатиш бошланишини маълум қилди

Миллиардер Илон Маск олти ойдан кейин унинг Neuralink компанияси мияга ўрнатиладиган чипларни одамларда клиник синовдан ўтказишини айтди. Бу ҳақда Reuters хабар берди.

Сўнгги йилларда Neuralink мазкур интерфейсни ҳайвонларда тажриба ўтказган. Компания уни одамларда синаб кўриш учун АQSҲ регуляторига ариза топширган. Neuralink одамни компьютерга улашнинг юқори технологиясини таклиф этади. Жумладан, операцияни бажариш учун бош суягини очиб, мия тўқималарига мини-электродларни (чипни) бирлаштириш зарур.

Компания чипнинг яроқлилик муддатини узайтириш устида ишламоқда. Бундан ташқари, Neuralink аллақачон кўриш қобилиятини тиклайдиган кўз имплантлари ва орқа мияси шикастланган беморларнинг ҳаракатчанлигини тиклай оладиган ечимлар устида ишламоқда.

Biroқ чипнинг тақдимотида маймун ўрнатилган чип орқали компьютерда матн тера олгани намойиш қилинган. Қурилма нейрон импулсларини компьютер ўқий оладиган маълумотларга айлантирган.

Маск бу технология одамлар ва технологик машиналар ўртасида маълумот узатиш имконини беришига умид қилмоқда. Neuralink имплантант жуда ихчам, танга шаклидаги 23×8 миллиметрдан иборат. Ундан олинган маълумотлар мегабит тезликда ва 10 метргача бўлган диапазонда узатилади. Чип батареяси сутка давомида ишлайди. У тунги вақтда магнит зарядлаш мосламаси ёрдамида қувватланади. Нейрочипни имплантация қилиш бўйича операция роботлаштирилган бўлади.

Мавзуга доир:

• Илон Маскнинг стартапи видеоўйин ўйнаётган маймун ролигини намойиш этди
• Илон Маск маймунга компьютерда ўйин ўйнашни ўргатди
• Нейрочипни ўрнатишга мўлжалланган жарроҳ-робот тақдим этилди