Ижтимоий тармоқда Cobalt автомобили ҳайдовчиси транспорт воситаларининг оқимига қарама-қарши тарзда ҳаракатланиб, пиёдани туртиб юборгани акс этган видео тарқалди. Йўл ҳаракати хавфсизлиги бошқармаси қоидабузарга чора кўрилганини маълум қилди.
Қайд этилишича, суриштирувлар давомида пиёда тан жароҳати олмагани аниқланган.
Видео Тошкент шаҳар ЙҲХБ масъул ходимлари томонидан ўрганилган. Натижада ушбу ҳайдовчи топилиб, унга нисбатан Маъмурий жавобгарлик тўғрисидаги кодекснинг 128-5-моддаси (транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) иккинчи қисми тартибида баённома расмийлаштирилган.
Изоҳ (0)