Германия ҳукумати 30 ноябрь, чоршанба куни Европа Иттифоқига кирмайдиган мамлакатлардан келган ишчилар учун иммиграция қоидаларини соддалаштиришни маъқуллаши керак. Бу ҳақда вазирлар маҳкамасининг стратегия ҳужжатига таяниб Bloomberg хабар бермоқда.
Германия мамлакат иш берувчиси билан меҳнат шартномасини имзолаган Европа Иттифоқидан ташқаридаги мамлакатлардан келган хорижликларга зудлик билан иш бошлашга рухсат беради — улар касбий малака исботини кейинроқ олиши мумкин, — деб ёзди Bloomberg.
Бундан ташқари, Германия ҳукумати ёш муҳожирларнинг мамлакатда касбий таълимни якунлашини осонлаштирмоқчи.
Бу Европадаги энг либерал иммиграция қонуни бўлади, — деди Германия Иқтисодиёт вазири Роберт Хабек.
Хабекнинг сўзларига кўра, Германия нафақат малакали кадрлар, балки умуман ишчи кучи етишмаслигига дуч келмоқда. Давлат эса сўнгги йилларда бу муаммога эътибор қаратмаган.
Хабек 30 ноябрь куни ҳукумат йиғилишидан сўнг ички ишлар, меҳнат ва таълим вазирлари билан биргаликда янги миграция стратегиясини тақдим этади, — деб хабар берди Bloomberg.
Бир неча ўн йилликлар давомида туғилиш даражасининг пастлиги ва нотекис миграция оқими демографик номутаносибликни келтириб чиқарди.
Бу эса ҳозирда ҳам коронавирус пандемияси ва энергия инқирози таъсиридан азият чекаётган Германия иқтисодиётига салбий таъсир қилмоқда.
Расмийлар Германия ташқарисидан йилига 400 минг нафар малакали ишчиларни жалб қилишни режалаштирмоқда.
Изоҳ (0)