Йил бошидан бери Ягона интерактив давлат хизматлари портали — «my.gov.uz»да 50 дан ортиқ янги электрон давлат хизматлари жорий қилиниб, умумий онлайн хизматлар сони 355 та бўлди. Бу ҳақда АКТ вазирлиги матбуот хизмати хабар бермоқда.
Ягона портал фойдаланувчилари сони эса йил аввалига нисбатан 2,8 баробар, яъни қарийб 2 миллионга ортиб, 3 миллион нафарга етди.
«My.gov.uz» электрон хизматларидан фойдаланиш кўрсаткичи йил бошидан бери 10,9 миллиондан зиёдни ташкил этиб, бу офлайн тарзда фойдаланилганлардан деярли 2 баробарга кўпдир.
«My.gov.uz»нинг мобил иловасида ҳам 2022 йилда 50 турдаги янги онлайн хизматлар жорий қилиниб, иловадаги электрон давлат хизматлари сони 156 тага етказилди.
«Mobile-ИД» тизими фойдаланувчилари сони 108 мингдан ошиб, уларнинг 40 мингдан зиёди «my.gov.uz»нинг мобил иловаси орқали ва 68 мингдан ортиғи Давлат хизматлари марказлари орқали рўйхатдан ўтган.
Мавзуга доир:
Изоҳ (0)