Буюк Британия 2023 йилда Украинага ҳарбий ёрдамни оширади. Бу ҳақда Британия бош вазири Риши Сунак 28 ноябрь, душанба куни сўзлаган нутқида маълум қилди, деб хабар бермоқда Reuters.
«Шубҳа қилманг. Биз Украинани қанча вақт керак бўлса, шунча қўллаб-қувватлаймиз. Келгуси йилда ҳарбий ёрдамни сақлаб қоламиз ёки оширамиз. Шунингдек, Украина халқи ва муҳим инфратузилмасини ҳимоя қилиш учун ҳаво мудофаасини қўллаб-қувватлаймиз», — деди у.
Сунакнинг сўзларига кўра, унинг раҳбарлигида Лондон статус-кво танламайди.
Аввалроқ The New York Times газетаси НАТО расмийлари орасидаги манбага таяниб, альянсга аъзо 30 давлатдан 20 таси Украинага ёрдам учун қурол захираларини тугатгани ҳақида хабар берганди. Шу билан бирга, йирик давлатлар – Франция, Германия, Италия ва Нидерландия Украинани қурол-яроғ билан таъминлашда давом этишга қодир экани айтилмоқда.
NYT таъкидлашича, НАТО давлатлари Киевга 40 миллиард долларга яқин ҳарбий ёрдам кўрсатган, бу Франциянинг йиллик мудофаа бюджетига тенг.
Изоҳ (0)