Сирдарё вилояти, Янгиер шаҳри, Жомий маҳалласидаги «Янгиер темир бетон конструкциялар заводи»нинг 100 фоиз давлат улуши кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Давлат активларини бошқариш агентлиги Сирдарё вилоят ҳудудий бошқармаси томонидан жойлаштирилган.
Заводнинг фаолият тури мураккаб темир-бетон маҳсулотлари ва конструкциялар ишлаб чиқаришдан иборат.
Заводнинг умумий майдони 42 563,07 квадрат метр, ер участкасининг умумий майдони 16,8 гектарни ташкил қилади.
Лот изоҳига кўра, хатлов давомида янги аниқланган қурулиши тугалланмаган бино-иншоотлар умумий қурилиш ости майдони 52 42,47 квадрат метрни ташкил этади. Тугалланмаган қурилишга кетган харажатлар 31,8 млн сўмни ташкил этади.
Аукционга қўйилган қаҳвахонанинг бошланғич баҳоси — 81,9 млрд сўм. Аризалар 12 декабрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги «Чироқчи жиз» кафеси жойлашган бино 6,5 млрд сўмга аукционга қўйилгани ҳақида хабар берилганди.
Изоҳ (0)