Ҳеч қачон гардеробдан бирор доғ тегмаган кийим топишнинг иложи бўлмаса керак. Чунки ҳар қандай кийим кийилиши мобайнида бирор марта бўлса ҳам бу каби муаммога дуч келади. Аммо хавотир олишнинг кераги йўқ. Marie Claire нашри кийимдаги доғлардан халос бўлишнинг тезкор усуллари билан бўлишди.
Ресторанда
Ҳатто чой, қаҳва ёки помидор соуси каби суюқликлардан қолган доғни ҳам кетказиш мумкин. Аммо мато ва доғлар турлича бўлгани учун, албатта, натижа кафолатланмайди. Қолаверса, доғи тозаланмаган кийимларни иссиқ қуритгичда қуритиш мумкин эмас. Бу билан доғлар мато толалари орасига яхшироқ сингиб олади.
Чой доғлари
Агар чой кийим устига тўкилиб кетса, ташвишланишга ҳожат йўқ. Фақат доғни иложи борича тезроқ совуқ сув билан ювиб ташлаш тавсия этилади. Сувни доғ устидан эмас, балки орқа томондан қуйишни унутмаслик лозим. Бу бўёқнинг қандай кирган бўлса, шундай чиқишига ёрдам беради ва бутун материалда қолиб кетмайди. Кейин ҳар қандай суюқ ювиш воситаси доғга суртилади. Камида беш дақиқа кутилади. Қуриган доғлар тахминан 30 дақиқа давомида совуқ сувда (ювиш воситаси қўлланган ҳолда) намланиши керак, кейин ювилади.
Ёғ доғлари
Агар кийимга ёғ доғлари теккан бўлса (масалан, пиширилган товуқдан), унга жўхори крахмали сепилади. Маккажўхори крахмалини бир неча дақиқа давомида ёғни сўриб олади ва ёғ доғи дарҳол йўқолади. Ёғ доғини тозалашнинг яна бир самарали воситаси — бу эшик овозини йўқотиш учун сепиладиган спрей. Спрей доғ юзасига сепилади ва кейин оз миқдорда идиш-товоқ совуни ёки суюқ кир ювиш воситаси билан ювилади, яна 30 дақиқага қолдирилади. Сўнгра у кир ювиш машинасида ювилади ва табиий усул билан билан қуритилади.
Кесиб олиш жараёнида
Одатдан қон доғини кетказиш жуда қийинга ўхшайди. Бироқ вақтида ишга кирилса, уни осонгина тозалаш мумкин. 3 фоизли водород перекисдан фойдаланиб, доғ юзаси намланади, доғни тозалаш учун сариёғ кесадиган пичоқ билан ишқаланади ва яна кўп миқдорда водород перекис билан ювилади. Агар доғлар қуриб қолгунча тозалашга муваффақ бўлсангиз, улардан ҳеч қандай из қолмайди. Бундан ташқари, кийимларни истеъмол содаси билан ҳам тозалаш мумкин.
Саёҳатдан кейин
Пикник ёки саёҳатдан кейин ўтлардан қолган доғларни ҳам осонгина бартараф этиш мумкин. Бунинг учун эски тиш чўткаси ва оддий оқ тиш пастаси керак бўлади. Доғга оз миқдорда тиш пастаси сиқиб олинади, сўнг тиш чўткасини тоза сувга ботириб, доғ юзаси ишқаланади. Агар керак бўлса, бу жараён такрорланади.
Лаб бўёғи доғлари
Лаб бўёғи тозалаш қийин бўлган моддалардан бири ҳисобланади, бу ранглар ва композицияларнинг кўплигига тўғри келади. Агар лаб бўёғи кашмир, жун ёки ипакда бўлса, профессионал тозалашга мурожаат қилган маъқул. Бошқа матолардан эса доғ бир нечта қоғоз салфеткада артиб олинади, ёғни қайтарувчи хусусиятга эга идиш ювиш воситаси доғнинг орқа қисмига суртилади. Кейин кийимнинг ички томонига айлантирилади. Тоза тиш чўткаси билан доғ юзаси яхшилаб ишқаланади ва кир ювиш машинасига солиниб, енгил режимда ювилади.
Ёқадаги кир
Одатда кўп кийилган кийим ёқасидаги кир шампунь билан тозаланади. Шампунь шунчаки ёқага қуйилади, сўнгра мато ишқаланади, 15-30 дақиқа давомида тозаланиб, кейин яхшилаб ювилади. Агар ёқа ўта кир бўлса, шампуннинг ёғли сочлар учун мўлжалланган версиясидан фойдаланиш керак, чунки у теридан ёқага ўтадиган ёғ ва бошқа моддаларни парчалаш учун мўлжалланган.
Изоҳ (0)