Самарқандда аёл эридан қочиш учун бировнинг машинасига яширингани акс этган видео ижтимоий тармоқларда тарқалиб, кенг муҳокамаларга сабаб бўлганди. Вилоят ИИБ воқеа тафсилотларини эълон қилди.
Ҳолат аслида қандай бўлганига ойдинлик киритиш мақсадида ўрганиш ишлари олиб борилган. Аниқланишича, 25 ноябрь куни аёл эрининг рухсатисиз хорижга чиқиш биометрик паспортни расмийлаштиргани сабаб улар ўртасида келишмовчилик юзага келган. Натижада аёл уйидан чиқиб кетиб, қариндошиникида бир кеча тунаб қолган.
Эри уни қидириб, 26 ноябрь куни кўчада кўриб қолган ва машинасига ўтқазиб, уйига олиб кетмоқчи бўлганида аёли бормаслигини айтган ва улар ўртасида яна келишмовчилик юзага келган.
Шундан сўнг аёл кўчада ўтиб кетаётган Cobalt’га ўтириб олган ва ҳозир эри уришини, ёрдам кераклигини айтиб, 102 хизматига қўнғироқ қилишни сўраган. Ҳайдовчи қўнғироқ қилган ва ҳолат тегишли тартибда расмийлаштирилиб, тарафлар ҳудудий ИИБ бўлимига олиб келинган.
Оила айни пайтда бирга яшаб келмоқда. Аёлга ҳимоя ордери бериш таклиф қилинган, лекин уни олишдан бош тортган.
Изоҳ (0)