Сурхондарё вилоятининг Денов туманида фермер хўжалиги раиси ўзи раҳбарлик қилаётган фермер хўжалигига тегишли бўлган ерни сотмоқчи бўлганида қўлга тушди. Бу ҳақда ЎзА хабар берди.
Маълум қилинишича, «Қорахон Халифа Денов» фермер хўжалиги раиси М.Х. ўзи раҳбарлик қилаётган фермер хўжалигига тегишли бўлган 1 гектар ер майдонини фуқаро И.Қ.га 100 минг долларга сотишга келишган.
23 ноябрь куни келишилган пулдан 20 минг долларни олаётган вақтда ДХХ Сурхондарё вилояти бўйича бошқармаси ҳамда Бош прокуратура департаменти Денов туман бўлими ҳамкорлигида ўтказилган тезкор тадбирда ушланган.
Ҳозирда мазкур ҳолат юзасидан тергов ҳаракатлари олиб борилмоқда.
Мавзуга доир:
Изоҳ (0)