Шавкат Мирзиёевнинг Францияга ташрифи чоғида Ўзбекистон Транспорт вазирлиги ҳамда Франция Ташқи савдо, иқтисодий жозибадорлик ва хориждаги фуқаролар бўйича вазирлик ўртасида Тошкент трамвай тизими лойиҳаси бўйича келишув имзоланди.
Унга кўра, Франциянинг Alstom машинасозлик компанияси Тошкентда трамвай линияларини қуради. Лойиҳанинг қиймати 167,4 миллион еврога баҳоланмоқда. Йўналишлардан бири «Дўстлик» метро бекатидан Янги Ўзбекистон кўчаси бўйлаб ҳаракатланиши мумкин.
Тошкентда трамвай тизими тажрибали француз транспорт компанияси томонидан лойиҳалаштирилади. Ҳозирда 3 та йўналиш режалаштирилмоқда. Энг аввало, «Янги Ўзбекистон» боғигача трамвай линияси олиб бориш бўйича лойиҳа ишлари бошланади.
Ҳужжатни бош вазир ўринбосари, инвестициялар ва ташқи савдо вазири Жамшид Хўжаев ҳамда унинг франциялик ҳамкасби Оливье Бешт имзолади. Инвестиция шартномасига кўра, Франциянинг Alstom инжиниринг компанияси 9,1 км узунликдаги трамвай линияларини қуради. Йўловчи ташиш кунига 78 минг кишини ташкил этиши кутилмоқда. Қурилиш ишлари 2024 йилнинг иккинчи чорагида бошланиши режалаштирилган. Лойиҳанинг қиймати 167,4 миллион еврога баҳоланмоқда.
Тошкент шаҳри ҳокими ўринбосари, Инвестициялар ва ташқи савдо бошқармаси бошлиғи Шароф Раҳмоновнинг «Gazeta.uz»га берган интервьюсида Ўзбекистон сўнгги 3–4 ой давомида Alstom билан ҳамкорликда ушбу лойиҳа устида иш олиб бораётганини маълум қилди.
Раҳбариятимиз томонидан мазкур лойиҳани амалга оширишни жадаллаштириш бўйича кўрсатма берилди. Ҳозир француз ҳамкасбларимиз билан биргаликда техник-иқтисодий асослаш (техник-иқтисодий асослаш) ва лойиҳанинг ўзини тайёрлаш бўйича ишларни бошладик», — деди у.
Изоҳ (0)